1 PETRUS 2:10 - KITTA' MATANGKASA'

¹⁰ Riolo teaiko umma'Na Allata'ala, mingka kamma-kamma anne umma'Na mako Allata'ala. Riolo tanikamaseangako ri Allata'ala; mingka kamma-kamma anne nutarimami pangngamaseanNa.

1 PETRUS 2:10 ပူးပေါင်းရင်းမြစ်များ

2 SAMUEL 7:24

Le'ba'mi bansa Israel Kipa'jari ummatTa sa'genna satunggu-tungguna, siagang iKatte o Batara, a'jari Allata'alana ke'nanga.

HOSEA 2:23

LaKupa'jari salewangangi tallasa'na ummakKu siagang ammantang tuli ri pa'rasanganna ke'nanga. Ri ke'nanga nigallaraka ‘Tenaya Nikamaseangi’ laKupappicinikangi angkanaya Kukamaseangi ke'nanga, na ri ke'nanga nigallaraka ‘Teai UmmakKu’, laKukanai, ‘Ikau Ngaseng UmmakKuko’. Lappiali ke'nanga kamma anne, ‘IKatte Allata'alana ikambe.’ ”

ROMA 10:19

Erokka' akkuta'nang pole: Maka tanaassengapi bansa Israelka anjo birittaya? Boli'mi kamma na Musa rolong ampiali anne pakkuta'nanga. Nakana Musa, “Kammaminne kananNa Allata'ala, ‘LaKupa'jari akkimburuko mae ri se'rea bansa tenaya naUmma'Na Allata'ala siagang laKupa'jari larroko mae ri se'rea bansa dongo'.’ ”

ROMA 11:30

Riolo tena ngaseng numannuruki mae ri Allata'ala. Mingka kamma-kamma anne Napa'nyatami Allata'ala angkanaya le'ba' mako nipata'lappasa' battu ri kasalanga, lanri tenana namannuruki tu Yahudia.

1 KORINTUS 7:25

Kamma-kamma anne passala'na tau tenayapa na'bunting. Ri sesena anne passalaka tena nakuanggappa parenta battu ri Batara. Mingka salaku tau akkullea nipatappa' lanri pangngamaseanNa Allata'ala, erokka' ampakaingakko.

1 TIMOTIUS 1:13

Riolo le'baki kupitina, kusessa siagang kuhina. Mingka manna nakamma Nakamaseang tonja' Allata'ala, nasaba' anjo wattua tenapa nakutappa', jari takuassengai anjo apa kugaukanga.

IBRANI 4:16

Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.