1 PETRUS 2:1 - KITTA' MATANGKASA'

¹ Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.

1 PETRUS 2:1 ပူးပေါင်းရင်းမြစ်များ

AYUB 36:13

Tau tenaya nale'ba' nia' Batarana, lammoliki larro; manna nihukkung ri Batara, taerokai ke'nanga appala' bantuang.

PAMMUJI 32:2

Mate'nei taua, ia tenaya nirekengi kaja'dallanna ri Batara, siagang tenaya nangai annipu.

PAMMUJI 34:13

Erokko la'bu umuru'nu siagang angkasiaki bajika?

PAMMUJI 37:1

Battu ri Daud. Teako lussakki lanri tu ja'dalaka, teako angngiri matai mae ri tu a'gau' salaya.

PAMMUJI 73:3

saba' angngiri mata' mae ri tau tampoa, ri wattunna kucini' kaupakkanna tau ja'dalaka.

PANGNGEBARANG 14:30

Pa'mai' sannanga napakabajiki tubua; angngiri mataya sanrapangi garring kamateanga.

PANGNGEBARANG 24:1

Teako angngiri matai mae ri tau ja'dalaka, siagang teako eroki a'bela siagang ke'nanga.

PANGNGEBARANG 24:19

Teako birisiki yareka angngiri matai mae ri tau ja'dalaka.

PANGNGEBARANG 3:31

Teako angngiri matai mae ri tau ma'gau' katerassanga, siagang teako turuki gau'-gau'na ke'nanga.

YESAYA 30:22

Sikamma patung barhalanu nilapisika pera' siagang bulaeng, lanupelaki sangkamma loro, nampa nukana, “Bellako battu ri nakke!”

MATIUS 15:7

Munape' ngasengko antu! Annaba sikalimi apa le'baka napau Na'bi Yesaya, ansero kana ngasengko angkanaya:

MATIUS 23:28

Kamma ngaseng tommako anjo. Punna nicini' battu pantarang, baji' ngasengko mae ri taua; mingka lalang ri nyawanu, sangnging tu munapekko siagang tena ngaseng nungngasseng atorang.”

MATIUS 24:51

Niba'jimi anjo palayanga ri karaenna sa'ge patea-teana, nampa nipela' antama' ri pammantanganna tau munapeka. Lasessa sikalimi siagang langngarru'-arru'mi ke'nanga angkarruki sarenna.”

MATIUS 7:5

E, munape'! Pasuluki rolong anjo batu niaka lalang ri matannu, nunampa akkulle accini' baji' ampasuluki anjo limbu'bu' niaka lalang ri matanna parannu tau.

MARKUS 12:15

Mingka Naassengi Isa angkanaya munapeki ke'nanga. Jari appialimi Isa Nakana, “Angngapa nuero' ampa'boyangA' kasalang? PicinikiangsA' se're doe' pera'.”

LUKAS 11:44

Cilaka ngaseng mako! Nasaba' sanrapangko jera' tenaya mesanna, nionjo'-onjokanga ri taua natanaassenga taua.”

LUKAS 12:1

Anjo wattua assa'bu-sa'bui jaina tau battu. Assiassa'-assa'mi ke'nanga, sa'genna nia'mo tau nionjokang bangkenna. Lalang a'lipunnamo taua, Nakanamo Isa ri ana'-ana' gurunNa, “Tutuko mae ri pa'gambanna tu Farisia. Battuanna kanangKu, tutuko mae ri sipa'-sipa' munape'na ke'nanga.

LUKAS 6:42

Antekamma lakkulle nukana ri sari'battannu, ‘Maeko sari'battang, nakupasulu' anjo baru'bu' kayua lalang ri matannu,’ na nia' kayu balo' lalang ri matannu tanucinika? He, munape'! Pasuluki rolong anjo balo' niaka lalang ri matannu. Punna assulu'mo, nampami labaji' paccini'nu, siagang nampami akkulle nupasulu' anjo baru'bu' kayu lalanga ri matanna sari'battannu.”

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

ROMA 1:29

Sangnging kaja'dallang mami lalang ri atinna ke'nanga, sangnging apa tenaya nannaba; sangnging kangoang, kabottokang siagang sereati; sangnging eroka ammuno, assiba'ji, annipu, siagang sentimeng. Nangai ke'nanga nabicara paranna tau,

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

1 KORINTUS 5:8

Jari, maeko nanipakalompo anjo passua'-suarranga siagang roti tenaya nammake pa'gambang; iamintu roti a'jaria pangngebarang mae ri apa-apa tenaya callana siagang Nakaerokanga Allata'ala. Teaki' nakipakalompoi anjo passua'-suarrang Paskaya siagang roti niaka pa'gambang sallona, iamintu pa'gambang dosaya siagang kaja'dallanga.

2 KORINTUS 12:20

Ranggaselai nyawaku gassingka punna battua' sallang angkunjungiko nakurapikangko tasangkammaya apa kuminasaia. Kammayatompa nurapikang tonga' tasangkammaya pa'minasanu. Gassingka nia' sallang kurapikang passiba'jiang, sereati, pa'bambangang, kaparalluang kalennaji bawang naboyai, sipitina, sikompa-kompa sala, katampoang siagang karicuang.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.

1 TESALONIKA 2:3

Ia pakkio'na ikambe mae ri kau ngaseng teai pakkio' sala; kammayatompa teai saba' akkala' sala yareka ero' annipu.

1 TIMOTIUS 3:11

Bainenna ke'nanga musti tau baji' todong, teai tu nangaia appasilemba-lemba bicara. Musti naassengi ke'nanga ampakalewai kalenna, siagang musti lambusuki ke'nanga ala ri apa-apa mamo.

TITUS 2:3

Kammayatompa, parallu tongi nupakainga' tau toa bainea sollanna matangkasa' ke'nanga ri panggaukanna sangkamma siratannaya ri katallassanna tau anynyombaya ri Allata'ala. Takkulleai napitina paranna tau, siagang takkulleai tu'guru' cinnana ke'nanga mae ri inung-inungang terasaka. Musti napangngajarrangi ke'nanga apa-apa bajika;

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

YAKOBUS 1:21

Lanri kammana, pela' ngasemmi sikontu kabiasang ra'masaka siagang ja'dalaka. Tarimami siagang ati matuna kana-kana Nalamunga Allata'ala lalang ri atinnu, nasaba' anjo kana-kanaya nia' kakoasanna untu' ampasalamakko.

YAKOBUS 3:14

Mingka punna pakimburuko, punna pa'risi' pa'mai'nu, siagang punna kaparalluang kalennu bawang nuondang, tea' mako pattampo-tampoangi anjo kacara'dekannu, nasaba' punna kamma anjo nuputara'-bale'mi biritta katojengang battua ri Allata'ala.

YAKOBUS 4:11

Sikamma sari'battangku; teako assicalla-callai yareka teako assisala-salakangi. Inai-nai ancallai yareka ansalakangi paranna tu Karisteng, nacallami siagang nasalakammi hukkunNa Allata'ala. Na punna nusalakammo hukkung-hukkunNa Allata'ala, ma'nassa tenamo nanuturuki anjo hukkung-hukkunga, passangalinna a'jari mako haking mae ri anjo hukkung-hukkunga.

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

YAKOBUS 5:9

Teako ta'liwakki larronu siagang teako sisalakangi, sollanna tena Nahukkungko Allata'ala. U'rangi! A'reppese'mi hakinga! A'birimmi battu!

1 PETRUS 2:16

Paralluko a'jari tau bebasa' lalang katallassannu; mingka teako pakei anjo kabebasannu untu' antongkoki kaja'dallanga, passangalinna a'jari mako ata-atanNa Allata'ala lalang ri katallassannu.

1 PETRUS 2:22

Tena nale'ba' a'gau' dosa, siagang tale'bakai nia' tau allangngereki a'balle-balle.

1 PETRUS 3:10

Nia' tattulisi' lalang ri Kittaka angkanaya, “Inai-nai ero' angkasiaki mate'nena tallasaka, naero' ampisa'ringi allo-allo bajika, musti nakatutui bawana sollanna tamappaua bicara ja'dala', natamakkana balle-ballea.

1 PETRUS 4:2

Lanri kammana, paralluko anturuki ero'Na Allata'ala lalang tallasa' lanudallekanga pole, ri anne linoa siagang teai kaerokang rupatau nuturuki.

1 PETRUS 4:4

Kamma-kamma anne lannasa'mi tau tenaya natappa' ri Batara, lanri tenamo nuturuki ke'nanga angkasiaki panggaukang dosaya lalang kara'massanga. Iaminjo saba'na nanahina mako ke'nanga.

PAPPICINI' 14:5

Tale'bakai a'balle-balle ke'nanga, siagang tena callanna ke'nanga manna sike'de'.