1 PETRUS 1:7 - KITTA' MATANGKASA'

⁷ Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

1 PETRUS 1:7 ပူးပေါင်းရင်းမြစ်များ

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

AYUB 28:1

“Nia' pangngekeang kemae nibuntulu' peraka; nia' tampa' kemae nipici'nongi bulaenga.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 17:3

Bulaeng siagang pera' niuji' ri pepeka, mingka atinna taua niuji ri Batara.

PANGNGEBARANG 8:19

Apa nugappaya battu ri nakke la'biangngangi na bulaeng ti'noka; la'bi lompoangngangi anggaranna na pera' ti'noka.

KATO'BA 5:14

Ri wattunta nilassukang assolarakki'; kamma tomminjo punna nibokoi linoa anne, tena apa-apa battu ri wassele' posota nierang.

YESAYA 48:10

Kuso'riko lalang ri pepe' kasessanga, rapang pera' nipakati'noka lalang ri pepeka.

YEREMIA 48:36

Sikontu kakalumanynyangnganna Kir-Heres siagang kabusu'na Moab lanynya'mi. Si'nai pa'maikKu anciniki katallassanna anjo ke'nanga; rapangA' tau appasa'ra suling kasusaang.

YEREMIA 9:7

Lanri kammana anjo Nakanamo Batara Kaminang Koasaya, “Rapang bulaeng, laKuso'ri ummakKu sollanna a'jari ti'no' ke'nanga. Apapi pole akkulle Kugaukang mae ri ummakKu le'baka a'gau' ja'dala'?

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

MALEAKHI 3:3

Battu untu' angngadeli, sanrapang tau antangkasiai siagang ampakati'noki peraka. Sanrapangi pade'de' bulaeng ti'no' siagang pade'de' pera' ti'no', kamma tomminjo tunisuroNa Batara laNatangkasi sikamma imanga sollanna akkulle Napassareang koro'bang-koro'banga situru' cara Nakaerokia Batara.

PAMMILANGNGANG 5:28

Mingka ebara' angkana tena nasala, tena nanitabai pattunra siagang lakkulle iji pole ammana'.

MATIUS 19:28

Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

MATIUS 25:21

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako nakisiagang assannang-sannang!’

MATIUS 25:23

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako kisiagang assannang-sannang!’

LUKAS 12:33

Balukammi barang-barannu, nampa nupassareang ballinna mae ri tu kasi-asia. Appare' mako pammoneang doe' tenaya nalatoa, iamintu barang-barang lanibolika ri suruga. Anjo barang-baranga takkulleai tappela', nasaba' takkulleai nilukka' ri palukkaka, siagang takkulleai nipanraki ri kacoaka.

LUKAS 17:30

Kammaminjo sallang lampa-lampana ri allo nipa'nyatana Ana' Ma'rupataua.

YOHANES 12:26

Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

YOHANES 5:44

Antekammako lakkulle tappa' punna erokko nipalece ri parannu tau, mingka taerokako a'boya pammuji battu ri Allata'ala Tenaya Ruanna?

LAMPA-LAMPANA 8:20

Mingka appialimi Petrus nakana, “Cilaka mako ikau siagang doe'nu! Nukana lakkullei niballi passareNa Allata'ala siagang doe'?

ROMA 2:10

Mingka sikamma tau nangaia a'gau' baji' lanisarei kala'birang, siagang kalompoang kammayatompa katallassang salewangang ri Allata'ala; uru-uruna mae ri tu Yahudia, kammayatompa mae ri bansa-bansa maraenga.

ROMA 2:29

Mingka ia nikanaya tu Yahudi tojeng-tojeng iamintu tu Yahudia memang todong lalang ri atinna siagang nyawana; naia nikanaya sunna' tojeng-tojeng iamintu sunna' lalanga ri atia, ia Nagaukanga RohNa Allata'ala; jari tena nalalang ri kittaka nitulisi'. Tau kammaya minjo lannarima pammuji battu ri Allata'ala; jari teai battu ri rupataua.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

ROMA 8:19

Sikontu linoa sanna' ngasemmi manakku'na antayangi angkanaya kerepi wattu naNapa'nyata Allata'ala kala'birang laNapassareanga mae ri ana'-ana'Na.

1 KORINTUS 3:13

Sikontu apa-apa le'baka najama taua, massing lakacinikangi sallang punna battu poleang Almasi. Nasaba' pepe' sallang lampa'nassa ngasengi apa-apa massing le'baka nagaukang rupataua. Pepe' lanipake angnguji siagang ampattantui baji'-kodina anjo jama-jamanga.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

1 PETRUS 2:4

Lanri kammana, battu mako mae ri Batara. Iami sanrapang batu mattallasaka, iamintu batu nipelaka ri rupataua lanri nakana tena matu-matunna; mingka nipilei ri Allata'ala a'jari batu lompoa anggaranna.

1 PETRUS 2:7

Anjo batua sanna' lompona anggaranna untu' ikau tau tappaka. Mingka tau tenaya natappa', kammami anne nakanaya Kittaka mae ri ke'nanga, “Anjo batu tenaya napakei tukang-tukang bangunanga, ma'nassa iami batu majarre'.”

1 PETRUS 4:12

Sikamma sari'battangku, sannaka kukarimangnginna! Kamma-kamma anne sanna' sessanu lanri niujiko. Mingka teako lannasakki, sangkamma angkana nia' apa sanna' heba'na kajariang mae ri kalennu.

1 PETRUS 4:13

Ba'lalo, parallui a'jari sannang pakkasia'nu lanri amminawannu todong angkasiaki sessaya siagang Almasi. Jari sallang, punna nipa'nyatamo kala'biranNa Almasi, larannu mako.

1 PETRUS 5:1

Kupalaki mae ri pamimping jama'ah niaka ri tangnga-tangnganu, sollanna naparhatikang anne. Inakke, parannu pamimping jama'ah, antulisiki anne suraka; kalengku le'ba' anciniki kasessanNa Almasi. Na punna nipa'nyatamo kala'biranNa mae ri rupataua, lamminawang tonga' nipakala'biri'. Kupala' tojeng-tojengi mae ri kau ngaseng,

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

2 PETRUS 1:4

Kammami anjo caraNa Allata'ala ampa'lammorangi barakka'-barakka' sannaka heba'na siagang sannaka lompona anggaranna mae ri katte, ia le'baka Napa'janjiang. Lanri iami anjo barakka'-barakkaka nakiakkullemo ta'lappasa' battu ri sikamma kaerokang ja'dalaka, akkullea angngerangi anne linoa mae ri possoka; sollanna nukkulle todong anggappa bageang lalang ri sipa' kakaraenganna.

2 PETRUS 3:14

Lanri kammana, sikamma sari'battangku sannaka kukarimangnginna; ilalang nutayanna anjo Allo labattua, attojeng-tojengko usaha untu' a'jari tangkasa' siagang tena callannu lalang ri katallassannu ri dallekanNa Allata'ala. Siagang katutui bajiki passisambungannu siagang Allata'ala.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.