1 PETRUS 1:25 - KITTA' MATANGKASA'

²⁵ mingka kananNa Batara, niaki satunggu-tungguna.” Anjo kanaya Kabara' Baji' le'bakamo nibirittakang mae ri kau.

1 PETRUS 1:25 ပူးပေါင်းရင်းမြစ်များ

PAMMUJI 102:12

Allaloi tallasakku sanrapang bayang-bayang ri wattu karueng; a'jari kalumenga' sanrapang ruku'.

PAMMUJI 102:26

riolo iKatte ampa'jari linoa; langika pole bate paretTa todong.

PAMMUJI 119:89

O, Batara, majarreki kananTa satunggu-tungguna, mannannungangi ri suruga.

YESAYA 40:6

Nia' sa'ra angkana, “Kabarrangi!” Akkuta'nanga', “Apa musti kukabarrang?” “Kabarrangi angkana rupataua rapang ruku', rapang bunga poro sinampe'ji ga'gana.

YESAYA 40:8

Rukuka a'jari kalotoro', bungaya a'jari kalumeng, mingka kananNa Allata'alata attahangi satunggu-tungguna.”

MATIUS 5:18

U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!

LUKAS 16:17

Mingka la'bi lomoangangi lanynya' langika siagang linoa kala lanipattaenai se'rea hurupu'na Atorang battua ri Allata'ala.

YOHANES 1:1

Ri pakaramulana, ri tenanapa nipa'jari linoa, nia' memammi Kanaya. Nia'mi anjo Kanaya siagang Allata'ala na anjo Kanaya iatonji Allata'ala.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

1 KORINTUS 2:2

Nasaba' le'ba'mi kupakkalepu ri atingku angkanaya ilalang niakku ri tangnga-tangnganu ngaseng, tena maraeng apa-apa lakupabattu mae ri kau, pantaranganna passala'na Isa Almasi; marioloangannaya iamintu angkanaya le'ba'mi mate ri kayu sallika.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

TITUS 1:3

Punna narapi'mo wattunna, laNapa'nyatami anjo janjinNa Allata'ala lalang pappasanNa mae ri linoa. Anjo pappasanNa Napappirannuammi mae ri nakke, siagang kubirittakammi anjo pappasanga situru' parentaNa Allata'ala Mappasalamatta.

IBRANI 6:5

Naassemmi battu ri pangalamanna ke'nanga angkanaya bajiki anjo kananNa Allata'ala, siagang natarimami ke'nanga passare malammoro' makoasa untu' jammang labattua.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.

1 PETRUS 1:23

nasaba' tete ri Iami anjo kana mattallasa'Na siagang kana mannannunganNa Allata'ala nanunipa'jari tau beru; teai lanri nilassukannu ri rupataua, passangalinna battu ri Mangge mannannunganga.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.

2 PETRUS 1:19

Iaminjo saba'na nakipila' tappa'mo pole ri anjo biritta battua ri Allata'ala napabattua na'bi-na'bia. Teai sipato' baji'na punna nuparhatikang anjo birittaya; nasaba' anjo birittaya sanrapangi singara'na lampua lalang ri tampa' sassanga sa'genna battu bari'basaka, siagang accaya bintoeng battu rayaya lalang ri atinnu.

1 YOHANES 1:1

Ia bonena anne kittaka, iamintu passala'na Kana attallasaka, iamintu Kana niaka memammo battu ri pakkaramulanna. Le'ba'mi nalangngere' siagang nacini' mata kalenna ikambe. Le'ba'mi nacini' siagang nata'gala' limanna ikambe.

1 YOHANES 1:3

Apa le'baka nacini' siagang nalangngere' ikambe, ia tomminjo nabirittakang ikambe mae ri kau ngaseng; sollannu amminawang todong siagang ikambe ampa'nyatai katallassang assiamaka, asse'rea siagang Manggea, kammayatompa asse're siagang Ana'Na iamintu Isa Almasi.

PAPPICINI' 14:6

Nampa nia' kucini' se're malaeka' maraengang anri'ba' tinggi rate ri langika. Anjo malaekaka angngerangi biritta iamintu ri sesena Kabara' Baji' mannannunganga, untu' nipabattu mae ri rupataua ri lino; iamintu mae ri sikontu bansaya, sukua, bahasaya siagang pa'rasanganga.