1 PETRUS 1:19 - KITTA' MATANGKASA'

¹⁹ passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.

1 PETRUS 1:19 ပူးပေါင်းရင်းမြစ်များ

KALAPPASSANG 12:5

Akkullei nupile gimbalaka yareka bembea, mingka musti lakia, umuru' sitaung, siagang tenaya callanna.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 22:20

Teako assarei olo'-olo' niaka callanna nasaba' taerokai Batara antarimai.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

MATIUS 26:28

Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YOHANES 1:36

Ri wattunna nacini' Isa ammalo, nakanamo, “Ciniki! Iaminjo Ana' Gimbala'Na Allata'ala.”

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

ROMA 3:25

Nakoro'bangkangi Allata'ala anjo Isa Almasi; sollanna, lanri kamateanNa anjo Isa Almasi, nilappassammi rupataua battu ri dosa-dosana, punna tappa'ja ke'nanga mae ri Isa Almasi. Nagaukammi Allata'ala kammaya anjo, lanri eroki Napappicinikang kaadelanNa. Nasaba' ri wattu allaloa, Nasa'barrammi Allata'ala dosa-dosana rupataua, sa'genna tena naNahukkungi ke'nanga.

EFESUS 1:7

Nasaba', nilappassang maki' ri Allata'ala, lanri kamateanNa Almasi; battuanna le'ba'mi nipammopporang dosa-dosata.

KOLOSE 1:14

Lanri Iaminjo Ana'Na nakinilappassang; battuanna le'ba'mi nipammopporang dosa-dosata.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

PAPPICINI' 14:1

Nampa kuciniki, nakucini'mo anjo Ana' Gimbalaka ammenteng rate ri Bulu' Sion. Nia' Naagang tau 144.000 jaina, niaka ngaseng ri tompo' kanynyinna ke'nanga tattulisi' arenNa siagang arenNa ManggeNa.

PAPPICINI' 14:5

Tale'bakai a'balle-balle ke'nanga, siagang tena callanna ke'nanga manna sike'de'.

PAPPICINI' 5:6

Nampa nia' kucini' sikayu Ana' Gimbala' ammenteng ri tangnga-tangngana anjo empoang kala'biranga nikulilingi ri anjo appaka anu attallasa' siagang sikontu anjo pamimpinga. Anjo Ana' Gimbalaka sangkammai le'ba' nisamballe nicini'. Nia' tuju tanru'na siagang tuju matanna: iamintu tujua roh battu ri Allata'ala, nisuroa battu mange ri sikontu linoa.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.