1 PETRUS 1:13 - KITTA' MATANGKASA'

¹³ Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 PETRUS 1:13 ပူးပေါင်းရင်းမြစ်များ

1 KARAENG-KARAENG 18:46

Anjo wattua anggappami Elia kagassingang battu ri Batara. Nalappa'mi nai' jubana nampa nasikko' ri aya'na nampa lari ampilumbai Ahab ri aganga sa'genna mange ri pakke'bu' lompona kota Yizreel.

2 KARAENG-KARAENG 4:29

Assailemi Elisa mae ri Gehazi nampa nakana, “Lintakko! Allei takkangku nampa a'lampa memangko mange ri balla'na anne bainea. Teako ammantangngi untu' a'barisallang manna pole ri nai nusibuntulang ri aganga. Punna a'barisallang ri kau, teako pela'-pelakki wattunnu untu' ambalasaki bari sallanna. Punna battuko, lintakko padongkoki takkangku ri kalenna anjo anaka.”

AYUB 38:3

Kamma-kamma anne dallekamMa' sangkammako bura'ne, siagang pialimi anne sikamma pakkuta'nangKu.

AYUB 40:7

Nakanamo Batara mae ri Ayub, “A'dalle' maeko ri Nakke sangkamma bura'ne, na nupiali anne sikamma pakkuta'nangKu.

KALAPPASSANG 12:11

Ri wattunnu angnganre musti ammakeang bajikko untu' sadia a'lampa, ammake sandala' siagang takkang ri limannu. Musti akkaro-karoko angnganre. Iaminjo nipakalompona allo Paska untu' ampakalompoA', iNakke anne Bataraya.

YESAYA 11:5

Adeleki siagang majarreki angngalle tindakang lalang sikamma apa-apaya.

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

MATIUS 20:4

Nakanamo ri ke'nanga, ‘A'lampamako mange anjama ri koko anggorokku, nakubayarakko siapa siratanga.’

LUKAS 12:35

“A'jaga-jagako ilalang passala' apa-apa mamo. Musti tuli sadiako ammakeang siagang musti tuli a'rinrai lampunnu;

LUKAS 17:30

Kammaminjo sallang lampa-lampana ri allo nipa'nyatana Ana' Ma'rupataua.

LUKAS 17:8

Mattantu tena! Mingka lanukana, ‘Pasadianga' kanreku. Ammakeko care-care tangkasa' nunampa ammempo antayanga' sa'gengku le'ba' angnganre siagang angnginung; le'bappa' angnganre siagang angnginung nunampa akkulle angnganre.’

ROMA 13:13

Musti nigaukangi apa-apa mala'birika, sangkamma biasaya nagaukang taua ri wattu singaraka; teako alla'bi dudu batenu assua'-suara', yareka teako ta'liwakki batenu angnginung sa'gennu nasa'ring. Teako assalimaraki, yareka teako appanggaukang kammai tu tena nungngasseng atorang. Teako assiba'ji, yareka teako assereati.

ROMA 8:19

Sikontu linoa sanna' ngasemmi manakku'na antayangi angkanaya kerepi wattu naNapa'nyata Allata'ala kala'birang laNapassareanga mae ri ana'-ana'Na.

1 KORINTUS 1:7

sa'genna tenamo nukakurangang barakka' manna sirupa, lalang nutayanna kabattuanNa Batarata Isa Almasi ampa'nyatai KalenNa mae ri sikontu rupataua.

1 KORINTUS 13:13

Jari kamma-kamma anne nia' tallunrupa parallu nigaukang iamintu: matappa', ma'minasa siagang mangngamaseang; na ia Kaminang Lompoa ri anne tallua, iamintu, mangngamaseanga ri tau maraengang.

EFESUS 6:14

Paralluko tuli jaga-jaga. Pakei katojenganga sanrapang passikko' aya'nu, siagang katangkasanga sanrapang pa'lapa' barambannu.

KOLOSE 3:4

Jari, assala'na katallassannu sitojenna iamintu battu ri Almasi; na punna a'nyatamo Almasi sallang, la'nyata tommako siagang Ia lalang ri kalompoanNa.

2 TESALONIKA 1:7

Na untu' ikau angkasiakai pa'risika ri kamma-kammaya anne – kammayatompa ri kambe – laNasareki' kasalewangang Allata'ala, punna battu sallang Batara Isa, manaunga battu ri suruga ampa'nyatai KalenNa siagang malaeka'-malaeka' lompoNa

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

IBRANI 10:35

Lanri kammana, teako tappu' panrannuangngi. Nasaba' punna jarre' tappa'nu, nia' pahala lompo untu' ikau!

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

IBRANI 6:19

Anjo panrannuanta a'jari panna'galang majarre' siagang amang mae ri katallassanta, nasaba', lanri sanna' lantanna nipatto' naung. Pappokokanna niaki lalang Kamara' Kaminang Matangkasaka lalang ri Balla'Na Batara ri suruga.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

1 PETRUS 1:10

Iami anjo kasalamakkang napilajari bajika siagang nasalidikia na'bi-na'bia; siagang napau la'bi riolomi ke'nanga barakka' Napassareanga Allata'ala mae ri kau.

1 PETRUS 3:15

Mingka lalang ri pa'mai'nu, parallui Almasi bawang nupakalompo situru' empoanNa salaku Batara. Siagang paralluko tuli sadia ampiali sikamma tau akkuta'nanga mae ri kau ri sesena panrannuang niaka ri kau.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

1 PETRUS 5:12

I Silas ambantua' nakupare' anne sura' bodoa bonena. Kubilangi Silas tu Karisteng tamamminraya. Erokka' ampakamajuko siagang ampakajarreki tappa'nu angkanaya anne apa kutulisika biritta kammatojeng ri sesena passare lammoro'Na Allata'ala. Paralluko anna'gala' jarre' mae ri anjo passare malammoroka.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

1 YOHANES 3:3

Sikontu tau niaka panrannuang kammana anne mae ri Almasi lanajagai kalenna sa'genna tangkasa' tojeng-tojeng, iamintu tangkasa' battu ri dosa-dosaya sangkamma tangkasa'Na todong Almasi.