1 PATTOTTORANG 9:2 - KITTA' MATANGKASA'

² Ia uru-uru ammotereka battu ri ke'nanga mange ri butta sossoranna ke'nanga ri kota-kotaya iamintu tujaia, imang-imanga, tu Lewi siagang pajama-jamaya ri Balla'Na Batara.

1 PATTOTTORANG 9:2 ပူးပေါင်းရင်းမြစ်များ

EZRA 2:1

Jai anjo tunipelaka a'lampa ambokoi daera Babel nampa ammotere' mange ri Yerusalem siagang Yehuda, massing-massing mange ri kota kalenna ke'nanga. Appakaramula ri wattunna nierang ke'nanga ri Karaeng Nebukadnezar nammantang ke'nanga ri pa'rasangang pammelakkanga ri Babel.

EZRA 2:43

Iaminne dattara' golongang kaluargana sikamma pajamaya ri Balla'Na Batara ri Yerusalem, ammotereka battu ri pa'rasangang pammelakkanga: Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Samlai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsa, Barkos, Sisera, Temah, Neziah siagang Hatifa.

EZRA 2:58

Golongang kaluarga sikamma pajamaya ri Balla'Na Batara ri Yerusalem siagang sikamma palayanna Salomo ammotereka battu ri pa'rasangang pammelakkanga nia' 392 jaina tau.

EZRA 2:70

Sikamma imanga, tu Lewia, siagang sipa'gang ra'yaka ammantangi ri Yerusalem siagang kota-kota niaka ri ampi'na. Sikamma pakelonga, pajaga pakke'bu' lompona Balla'Na Batara ri Yerusalem siagang sikamma pajamaya ri Balla'Na Batara ri Yerusalem, kammayatompa la'binnaya tu Israel maraenga, ammantangi ri kota-kota pammantanganna boe-boena ke'nanga.

EZRA 8:20

Pantaranganna nia' todong 220 tau iamintu pajama-jamaya ri Balla'Na Batara, ia niaka arenna lalang ri dattaraka. Battu riolo iji nanapattantumo Karaeng Daud siagang sikamma tumalompoa ri kakaraenganga untu' ambantui tu Lewi.

NEHEMIA 10:29

Nipasse're ngasemmi kalenta siagang sikamma pamimpinna ikambe untu' assumpa lattallasa' situru' hukkunNa Allata'ala, ia le'baka Napassareang tete ri atanNa iamintu Musa. Poro nitunrai ikambe punna tanarupaia ikambe anne parjanjianga. Assumpai ikambe lamannuruki ri sikontu parentaNa, hukkunNa siagang paratoranNa Batara, Allata'alana ikambe.

NEHEMIA 11:1

Sikamma pamimping siagang ra'ya' ammantanga ri Yerusalem a'goccangi lomoro' untu' ampilei tasse're battu ri sampuloa kaluarga, musti ammantang ri kota Matangkasa' Yerusalem. Tenaya nipilei akkullei ammantang ri kota-kota maraenganga.

NEHEMIA 7:60

Sikontu turunganna sikamma pajamaya ri Balla'Na Batara ri Yerusalem siagang sikamma palayanna Salomo ammotereka battu ri pa'rasangang pammelakkanga nia' 392 tau.

NEHEMIA 7:73

Sikamma imang, tu Lewi, pajaga pakke'bu' lompona Balla'Na Batara ri Yerusalem, pakelonga, jai battu ri ra'ya' biasaya, sikamma pajamaya ri Balla'Na Batara ri Yerusalem, bodona kana: sikontu ra'ya' Israel ammantammi ri kota-kotaya siagang ri desa-desaya ri sikontu Pa'rasangang Yehuda.