1 PATTOTTORANG 7:14 - KITTA' MATANGKASA'

¹⁴ Manasye siagang baine maraenna, iamintu sitau baine battu ri Aram, nia' rua ana'na bura'ne, iamintu: Asriel siagang Makhir. Ana'na Makhir iamintu Gilead.

1 PATTOTTORANG 7:14 ပူးပေါင်းရင်းမြစ်များ

PA'JARIANG 25:20

Ishak, patampulo taung umuru'na ri wattunna a'nikka siagang Ribka, andi'na Laban, ana'na Betuel, tubattu ri Aram ri Mesopotamia.

PA'JARIANG 50:23

Narapi' iji nacini' ana' cucunna Efraim. Narapi' tongngiji naparakai ana'-ana'na Makhir, iamintu cucunna Manasye, napasangkamma ana' kalenna.

1 PATTOTTORANG 7:13

Naftali nia' appa' ana'na bura'ne, iamintu: Yahziel, Guni, Yezer siagang Salum. Iami ke'nanga cucunna Bilha.

1 PATTOTTORANG 7:15

Napa'boyangi Makhir baine untu' Hupim siagang Supim. Bainenna Makhir niarengi Maakha. Ana'na Makhir makaruaya iamintu Zelafead. Zelafead tena ana'na bura'ne, poro baineji bawang.

PAMMILANGNGANG 26:28

Battu ri jari-jarina Yusuf, niaka rua ana'na bura'ne: suku Manasye siagang suku Efraim.

PAMMILANGNGANG 27:1

Zelafehad nia' ana'na baine lima, iamintu: Mahla, Noa, Hogla, Milka siagang Tirza. Manggena Zelafehad iamintu Hefer, manggena Hefer iamintu Gilead, Manggena Gilead iamintu Makhir, manggena Makhir iamintu Manasye, na manggena Manasye iamintu Yusuf.

YOSUA 13:31

Nampa antama todong bageruanna daera Gilead, siagang Asytarot siagang Edrei, iamintu ruaya ibukotana daera kakoasanna Karaeng Og ri Basan. Sikontu anjo daeraya nipassareangi mae ri bageruanna kaluarga-kaluarga jari-jarina Makhir, ana'na Manasye.

HAKING-HAKING 5:14

Battu ri Efraim a'jappa ke'nanga nanaung parang lappara' amminawang ri tantara Benyamin a'barrisika ri dallekanna ke'nanga. Nia'mi sikamma panglimana, battu ri Makhir nammentemmo sikamma perwiraya battu ri Zebulon.