1 PATTOTTORANG 6:3 - KITTA' MATANGKASA'

³ Amram nia' rua ana'na bura'ne, iamintu: Harun siagang Musa, siagang sitau baine, iamintu niarenga Miryam. Harun nia' appa' ana'na bura'ne, iamintu: Nadab, Abihu, Eleazar, siagang Itamar.

1 PATTOTTORANG 6:3 ပူးပေါင်းရင်းမြစ်များ

1 PATTOTTORANG 15:10

Siagang bija battua ri Uziel battumi Aminadab ammimpinga 112 tau.

1 PATTOTTORANG 23:12

Kehat nia' appa' ana'na bura'ne, iamintu: Amram, Yizhar, Hebron, siagang Uziel.

1 PATTOTTORANG 23:13

Amram iami manggena Harun siagang Musa. (Harun siagang sikontu turunganna iami nipa'jari satunggu-tungguna angngurusuki sikamma pakkasa' sambayanga, attunu dupa untu' Batara, allayani Batara, siagang ambarakkaki ra'yaka lalang arenNa Batara.

1 PATTOTTORANG 6:2

Kehat nia' appa' ana'na bura'ne iamintu: Amram, Yizhar, Hebron, siagang Uziel.

1 PATTOTTORANG 6:4

Pattottorang battua ri Eleazar iamintu: Pinehas, Abisua,

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

KALAPPASSANG 2:4

Daenna bainea anjo ana' loloa niaki ammenteng tena siapa bellana battu ri anjo tampaka untu' amparhatikangi angkana apa lakajariang mae ri anjo andi'na.

KALAPPASSANG 2:7

Battumi daenna anjo ana' loloa akkuta'nang ri ana' bainena karaenga angkana, “Erokki' nakupa'boyangki' sitau amma' tu Ibrani untu' ampasusui antu ana' loloa karaeng?”

KALAPPASSANG 24:1

Nampa Nakana Batara ri Musa, “Naikko mae andallekang ri Nakke siagang Harun, Nadab, Abihu, siagang tujupulo pamimpinna bansaya, siagang su'jukko battu bella anynyomba mae ri Nakke.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

KALAPPASSANG 6:20

Yizhar nia' tallu ana'na bura'ne, iamintu Korah, Nefeg, siagang Zikhri.

KALAPPASSANG 6:23

Korah nia' tallu ana'na bura'ne, iamintu: Asir, Elkana, siagang Abiasaf. Iaminjo ke'nanga boe-boena golongang kaluargana Korah.

KAIMANGNGANG 10:1

Ri se'reang allo, Nadab siagang Abihu, iamintu ana'na Harun, angngallei massing tampa' pepe'na nampa nabonei bara. Nampa nabonei ke'nanga dupa anjo pepeka siagang napassareang mae ri Batara. Mingka tena nahallala' anjo pepeka lanri tena nisuroi ke'nanga ri Batara ampassareangi anjo kammaya.

KAIMANGNGANG 10:12

Nakana Musa ri Harun siagang ruaya ana'na, iamintu Eleazar siagang Itamar, “Allei la'binna gandung kanre nipassareanga mae ri Batara. Battu ri anjo labuka apparekko roti tenaya nammake pa'gambang, nampa nukanre ri sa'rinna tampa' pakkoro'bangnganga, lanri anjo koro'banga teai sipato' tangkasa'na.

KAIMANGNGANG 10:16

Nampa akkuta'nang Musa ri passala'na bembe untu' koro'bang pammopporang dosaya. Nipauammi angkanaya anjo bembea le'ba'mi nitunu. Larromi Musa mae ri Eleazar siagang Itamar nalangngere'na anjo passalaka; nakanamo ri ke'nanga,

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.