1 PATTOTTORANG 5:23 - KITTA' MATANGKASA'

²³ Sipa'gang suku Manasye ammantangi ri daera Basan sa'genna wara' ri Baal-Hermon bellana, Senir, siagang Moncong Hermon. Pila' mange allo pila' katambangi jaina ke'nanga.

1 PATTOTTORANG 5:23 ပူးပေါင်းရင်းမြစ်များ

KELONG MALA'BIRI' 4:8

Umba kinaung battu ri Libanon, buntingku, umba kinaung battu ri Libanon. Naungko battu ri coppo'na Amana, battu ri coppo'na Senir siagang Hermon, tampa' pammantanganna macanga siagang singaya.

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

YOSUA 13:11

Kammayatompa antama tongi daera Gilead, daera ri tammulilina Gesur siagang Maakha, kammayatompa sikontu Moncong Hermon, siagang sikontu daera Basan sa'genna mange ri Salkha.

1 PATTOTTORANG 5:24

Iaminne sikamma kapalaya ri ke'nanga: Hefer, Yisei, Eliel, Azriel, Yeremia, Hodawya, siagang Yahdiel. Yangasenna ke'nanga tantara sanna' baranina.

YEHEZKIEL 27:5

Rinrinnu kayu arasa' battu ri Bulu' Hermon benteng sombala'nu kayu camara battu ri Libanon.

PAMMILANGNGANG 26:28

Battu ri jari-jarina Yusuf, niaka rua ana'na bura'ne: suku Manasye siagang suku Efraim.

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”