1 PATTOTTORANG 5:1 - KITTA' MATANGKASA'

^1-2 Ruben iami ana' kaminang toana Yakub. Mingka lanri le'ba'na nagau' sala kalase'renna baine maraenna manggena, sa'genna niallemi anjo ha'na salaku ana' kaminang toa nampa nipassareang mae ri Yusuf. Mingka manna nakamma, ia kaminang kassaka battua ri turunganna Yakub teai suku Yusuf, passangalinna suku Yehuda. Ba'lalo ia uru-uru a'jaria karaeng mae ri sikontu umma' Israel iamintu tubattua ri anjo suku Yehuda.

1 PATTOTTORANG 5:1 ပူးပေါင်းရင်းမြစ်များ

PA'JARIANG 25:23

Nakanamo Batara ri ia, “Nia' rua bansa lalang ri battannu; lallassukangko rua bansa lasimusu; kassakangngangi andi'na na daenna ia toaya la'jari palayang mae ri bungkoa.”

PA'JARIANG 25:31

Appialimi Yakub angkana, “Baji'mi, assala' nusareanga' la'bi riolo ha' bungasa'nu.”

PA'JARIANG 29:32

Attianammi Lea nampa allassukang sitau ana' bura'ne. Nakanamo Lea, “Nacini'mi Batara kasusaangku, nakamma-kamma anne lanangaima' bura'nengku.” Nampa naaremmo anjo anaka Ruben.

PA'JARIANG 35:22

Lalang nia'na ke'nanga ri anjo tampaka, assikatinroammi Bilha siagang Ruben, anjo baine piarana manggena. Anne passalaka nalangngereki Yakub, siagang sanna'mi larrona napakamma. Nia' sampulo anrua ana' bura'nena Yakub.

PA'JARIANG 46:8

Ia anggota-anggota kaluargana Yakub amminawanga mange ri Mesir, iamintu:

PA'JARIANG 48:5

Napannarrusu'mi kananna Yakub, nakana, “Yusuf, anjo ruaya ana'nu lassuka anrinni ri Mesir, ri tenanapa kubattu, iamintu Efraim siagang Manasye, kupasangkammai anakku, sangkamma Ruben siagang Simeon.

1 PATTOTTORANG 2:1

Nia' sampulo anrua ana'-ana' bura'nena Yakub, iamintu: Ruben, Simeon, Lewi, Yehuda, Isakhar, Zebulon,

1 PATTOTTORANG 26:10

Battu ri passibijanna Merari nijo'joki Hosa. Ia nia' ana'na bura'ne, iamintu: Simri (ia teai ana' toa, mingka niangkaki a'jari pamimping ri manggena),

KALAPPASSANG 6:14

Simeon siagang bainenna tu Kanaan, nia' annang ana'na bura'ne, iamintu: Yemuel, Yamin, Ohad, Yakhin, Zohar siagang Saul. Iaminjo ke'nanga boe-boena battua ri golongang niaka lalang ri suku Simeon.

KAIMANGNGANG 18:8

Teako hinai manggenu lanri assikatinroannu siagang kalase'renna bainenna maraenga.

KAIMANGNGANG 20:11

Punna nia' tu bura'ne assikatinroang siagang kalase'renna bainenna manggena, naparkosai ha'na manggena. Anjo bura'nea siagang anjo bainea musti nihukkung matei. Matei ke'nanga lanri salana tonji ke'nanga.

PAMMILANGNGANG 1:5

Iaminne areng-arenna tunipilea battu ri ummaka untu' ambantui Musa siagang Harun siagang a'jari pamimpinga mae ri massing-massing sukua: Suku Pamimping Ruben Elizur ana'na Syedeur Simeon Selumiel ana'na Zurisyadai Yehuda Nahason ana'na Aminadab Isakhar Netaneel ana'na Zuar Zebulon Eliab ana'na Helon Efraim Elisama ana'na Amihud Manasye Gamaliel ana'na Pedazur Benyamin Abidan ana'na Gideoni Dan Ahiezer ana'na Amisyadai Asyer Pagiel ana'na Okhran Gad Elyasaf ana'na Rehuel Naftali Ahira ana'na Enan

PAMMILANGNGANG 16:1

Korah ana'na Yizhar battu ri golongang bijanna Kehat, suku Lewi, angngewai mae ri Musa. Niagangngangi ri tallua tau battu ri suku Ruben, iamintu Datan siagang Abiram ana'-ana'na Eliab, siagang pole On ana'na Pelet, kammayatompa nia' 250 pamimping masahoroka, ia nipilea ri ra'yaka.

PAMMILANGNGANG 26:5

Battu ri suku Ruben, ana' bungasa'na Yakub, iamintu: golongang bijanna Henokh, Palu,

1 KORINTUS 5:1

Sikontutojenna battumi mae ri nakke kabara'na angkanaya nia' tau ta'liwa'-liwa' batena a'gau' bawang ri tangnga-tangnganu; nia' tau assalimara' siagang amma' aona. Manna tau kapereka ta'gau' kammayai!

PAOLE 21:17

Musti nasarei bageang a'lappi rua battu ri pa'barang-barangnganna mae ri ana' bura'ne toaya, manna pole naanjo anaka teai ana' battu ri baine nikamaseanna. Ha'na ana' toaya musti niakui ri manggena, siagang anjo ana' toaya musti nisarei warisang a'jaria' ha'na situru' hukkunga.”

PAOLE 27:20

‘Nitunrai tau anghinayai manggena lanri assikatinroanna siagang kalase'renna bainenna manggena.’ ‘Aming!’

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”

KOLOSE 1:15

Iaminjo Almasi rupa ma'nyataNa Allata'ala tenaya nakacinikang; iaminjo Almasi ana' bungasa', mala'bianganga na sikontu apa-apa nipa'niaka.

YOSUA 14:6

Ri se'reang allo battui suku Yehuda mange ri Yosua ri Gilgal. Kalase'renna battu ri anjo ke'nanga iamintu Kaleb ana'na Yefune tu Kenas, angkana, “Yosua, nuassengi apa kananNa Batara mae ri Musa, anjo suroNa Allata'ala, ri Kades-Barnea ri passala'na ikau siagang inakke.