1 PATTOTTORANG 27:1 - KITTA' MATANGKASA'

^1-15 Urusang pamarentahanna kakaraengang Israel niatoroki ri kapala-kapala kaluargaya, pamimping-pamimping pa'rappungang passibijanga, siagang perwira-perwiraya. Massing-massing taung, lalang sibulang sallona, nia' se're pa'rappungang nisare tugasa' a'le'basa' tasse'rei pa'rappungang nipimping ri se'reang kapala. Massing-massing pa'rappungang nia' 24.000 jaina tau. Iaminne areng-arenna kapala pa'rappungang tugasaka untu' massing-massing bulang: Bulang makase're: Yasobam ana'na Zabdiel (ia anggota battu ri pa'rappungang bija Peres suku Yehuda). Bulang makarua: Dodai, turunganna Ahohi. Miklot iami a'jari wakkele'na. Bulang makatallu: Benaya ana'na Imang Yoyada; iami pamimping “Tallumpuloa Komandang” (Amizabad ana'na a'jari wakkele'na). Bulang makaappa': Asael sari'battanna Yoab (sambenna iamintu Zebaja, ana'na). Bulang makalima: Samhut, turunganna Yizrah. Bulang makaannang: Ira ana'na Ikes, battu ri Tekoa. Bulang makatuju: Heles, turunganna Efraim battu ri kota Peloni Bulang makasagantuju: Sibkhai battu ri kota Husa (ia anggota bijanna Zerah, suku Yehuda). Bulang makasalapang: Abiezer battu ri kota Anatot ri daera suku Benyamin. Bulang makasampulo: Maharai, turunganna Zerah battu ri kota Netofa. Bulang makasampulo asse're: Benaya battu ri kota Piraton ri daera suku Efraim. Bulang makasampulo anrua: Heldai turunganna Otniel battu ri kota Netofa.

1 PATTOTTORANG 27:1 ပူးပေါင်းရင်းမြစ်များ

2 SAMUEL 23:8

Iaminne areng-arenna perwira tantarana Daud ia masahoroka: Uru-urua iamintu Ishbaal, tu Hakhmoni, pamimpinna “Pa'gompoang Tallua”. Le'baki lalang se'reang pa'bundukang kale-kalenna angngewa sagantuju bilangngang tau nanabuno kabusu' anjo musunna siagang pokena.

1 KARAENG-KARAENG 4:27

A'le'basaki tassibulang sallona, massing-massing bupati assare apa-apa nikanre untu' Karaeng Salomo siagang untu' sikontu tau anggappaya kanre battu ri balla' karaenga. Sa'genna tena sikalimo kakuranganna ke'nanga.

1 KARAENG-KARAENG 4:7

Salomo angngangkaki sampulo anrua bupati ri sikontu pa'rasangang Israel. Ia tugasa'na ke'nanga iamintu appa'rappung battu ri daerana ke'nanga apa-apa lanakanrea karaenga siagang sikontu bonena balla' karaenga. Sikontu bupatia a'le'basaki tanggong jawa' ri anjo passalaka lalanna sibulang tassitaung.

1 KARAENG-KARAENG 5:14

siagang naangka'mi Adoniram untu' a'jari pangawasa' mae ri ke'nanga. Anjo ke'nanga nabagei Salomo a'jari tallu pa'rappungang, massing 10.000 sipa'rappungang. Anjo tallua pa'rappungang a'le'basaki ke'nanga ammantang tassibulang ri Libanon na ruam bulang ri balla'.

1 PATTOTTORANG 11:10

Iaminne areng-arenna sikamma perwira-perwira tantarana Daud, ia masahoroka. A'rurung siagang sikontu ra'ya' Israel a'bundu'mi ke'nanga sollanna a'jari Karaeng Daud sangkamma apa le'baka Napa'janjiang Batara. Na tuli napakajarre'na ke'nanga pamarentahanna Daud.

1 PATTOTTORANG 13:1

A'bicarami Daud siagang sikontu perwira ammimpinga 1.000 tau jaina siagang perwira-perwira ammimpinga 100 tau jaina.

1 PATTOTTORANG 26:32

Sikontu urusang kaagamaanga siagang pamarentahanga ri Israel bageang rayanganna Binanga Yordan – iamintu daera suku Ruben, Gad siagang sipa'gang suku Manasye – nipassareangi mae ri 2.700 kapala kaluarga Yeria, yangasenna sangnging tunikangalikang ia nipilea ri Karaeng Daud.

1 PATTOTTORANG 28:1

Naparentakangi Daud sollanna a'rappungang ngaseng sikontu pamimping Israel ri Yerusalem. Jari sikamma kapala sukua, pajaba' ri urusang pamarentahanga, kapala-kapala pa'rappungang bijaya, sikamma pajagana barang-baranna siagang olo'-olo'na siagang ana'-ana' bura'nena karaenga – bodona kana sikamma tumalompoa ri balla'na karaenga, komandang tantaraya siagang tunipakalompoa, yangasenna a'rappungangi ri Yerusalem.

1 PATTOTTORANG 29:6

Jari sikamma kapala pa'rappungangang bija-bijaya, kapala sukua, sikamma komandanga siagang ia tanggong jawaka ri barang-baranna karaenga, massing napau tommi angkanaya massing ero' tongi ke'nanga assare sumbangang.

2 PATTOTTORANG 1:2

Sikontu komandang pasukang 1.000 siagang komandang pasukang 100, sikontu tau anna'galaka pamarentahang, kammayatompa sikontu kapala kaluargana tu Israel niparentakangi ri Karaeng Salomo

KALAPPASSANG 18:25

Ammilemi siapa are tu cara'de' battu ri bansa Israel. Naangka'mi ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

PAOLE 1:15

Lanri kammana minjo nabattu ri sikamma anjo pamimping le'baka nupile, nia'mo siapa are jaina tucara'de' siagang tuniaka pangalamanna kualle nampa kuangka' untu' angkapalaiko. Nia' siapa are nipa'jari pamimping mae ri sisa'bua tau, nia' a'jari pamimping mae ri sibilangngang tau, siagang nia' todong a'jari pamimping mae ri sampulo tau. Nia' tommo kuangka' siapa are pamimping maraeng untu' angngurusuki massing suku-sukunu.

YOSUA 23:1

Salloi ri le'ba'na anjo Nasaremi Batara anjo umma' Israel kaamangngang; tenamo nanisusai ke'nanga ri pa'garatta'na musua. Anjo wattua toa sikalimi Yosua.

1 SAMUEL 8:12

Sipa'gang naangka' a'jari perwira mae ri sisa'bu tau, na sipa'gang maraenganga mae ri limampulo tau. Anjo karaenga lanapassai ana'-ana'nu appa'jeko ri koko-kokonna, ampasse'rei wassele' kattoanna, appare' sanjata-sanjata siagang pakkakasa'-pakkakasa' untu' kareta pa'bundukanna.