1 PATTOTTORANG 22:9 - KITTA' MATANGKASA'

⁹ Mingka manna nakamma, le'ba'ma' Najanji angkana: ‘Langgappako sitau ana' bura'ne laamanga ammarenta, nasaba' laKubantui sa'genna tena musu lambunduki. Laniarengi Salomo nasaba' lalang ammarentana, laKusarei kasannangang siagang kaamangngang ri sikontu Israel.

1 PATTOTTORANG 22:9 ပူးပေါင်းရင်းမြစ်များ

1 KARAENG-KARAENG 1:13

linta' maki' andallekang ri Karaeng Daud, nampa kipauang angkana, ‘Sai ikatte tonji le'ba' assumpa ri nakke karaeng angkanaya anakku Salomo la'jari karaeng untu' ansambeangki'? Kamma-kamma anne, angngapa na Adonia a'jari karaeng?’ ”

1 KARAENG-KARAENG 2:15

Appialimi Adonia angkana, “Kiassengi ibu' angkanaya mustina inakkeji a'jari karaeng. Iaminjo naminasai sikontu Israel. Mingka ia kajarianga ta'bale'mi. Andikku a'jari karaeng, lanri kammai anjo Nakaerokia Batara.

1 KARAENG-KARAENG 3:7

O Batara, Allata'alaku, Kiangkaka' a'jari karaeng ansambeangi manggeku, manna kurungka dudu ija siagang takuassengapi angkanaya antekamma carana ammarenta.

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

1 KARAENG-KARAENG 5:4

Mingka kamma-kamma anne Nasarema' Karaeng Allata'alaku kaamangngang ri sikontu daera kakoasangku. Tena musungku, siagang tena bala antujui pa'rasangangku.

1 KARAENG-KARAENG 8:56

“Nipujimi Batara ia assareai kaamangngang umma'Na sangkamma le'baka Napa'janjiang tete ri Musa atanNa. Sikontu apa-apa baji' le'baka Napa'janjiang le'ba'mi Narupai.

1 PATTOTTORANG 17:11

Sallang, punna narapi' a'jala'nu nanitarawangko ri pa'jerakkanna boe-boenu, sitau ana' bura'nenu laKuangka' a'jari karaeng. Iami lampabangungangA' balla'. LaKupakajarreki kakaraenganna, siagang nia' turunganna lammarenta a'jari karaeng sa'genna satunggu-tungguna.

1 PATTOTTORANG 22:18

Nakana, “Le'ba' mako Natulung Karaeng Allata'alanu, siagang Nasareko kasiamakkang kammayatompa kasannangngang ri sikontu pa'rasangang. Nasarema' pakkulle untu' ambetai sikontu bansa niaka riolo ammantang ri anne pa'rasanganga. Kamma-kamma anne tundu'mi ke'nanga ri kau siagang mae ri Batara.

2 PATTOTTORANG 6:15

Le'ba'mi Kirupai janjinTa mae ri manggeku Daud. Anjo apa Kipa'janjianga le'ba'mi Kirupai anne alloa.

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

PAMMUJI 72:1

Battu ri Salomo. O, Allata'ala, Kipangngajarrangi hukkunTa mae ri karaenga, Kipassareangi kaadelanTa mae ri ana' bura'nena karaenga.

PAMMUJI 72:7

Poro pila' a'bakka' kaadelanga lalang sikontu jammanna, na alla'bi-la'bi kacopponganga lalang sikontu bulang niaka.

YESAYA 26:12

O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YESAYA 57:19

LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

HAGAI 2:9

BallakKu berua lala'bi la'birangngangi narioloa, siagang anrinniA' lassare kaamangngang siagang kasalewangang mae ri bansaKu.” Batara Kaminang Koasaya anne akkana.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.