1 PATTOTTORANG 22:2 - KITTA' MATANGKASA'

² Nasuromi Daud ampa'rappungangi sikontu tubattu-battua ammantang ri Israel, nampa napajama ke'nanga. Sipa'gang ke'nanga ammaha' batu untu' ambangungi Balla'Na Batara.

1 PATTOTTORANG 22:2 ပူးပေါင်းရင်းမြစ်များ

2 SAMUEL 5:11

Karaeng Hiram battu ri pa'rasangang Tirus akkiringi wakkele' mae ri Daud. Kammayatompa kayu camara Libanon siagang tukang-tukang kayu na tukang-tukang batu untu' ambangung balla' kakaraengang.

1 KARAENG-KARAENG 6:7

Untu' anjo balo'-baloka, kayu camara Libanon nipake. Pakke'bu' mangea ri kamara'-kamara' pannambai ri lonjo' rawaya niaki ri bageang timborang. Untu' lonjo' makaruaya nia' tallu tuka'. Nampa nasarei Salomo palapong anjo ballaka. Papang cenrana battu ri Libanon napake. Siapa sallona nibangung anjo Balla'Na Batara, tena le'bakai nia' kalangngerang sa'ra palu-palu, pangkulu', yareka pakkakasa' bassi, nasaba' anjo batu-batu eroka nipake untu' ambangungi anjo ballaka le'ba' nipasadia memammi la'bi riolo ri wattunna nia' ija ri papparekanna. Kammaminjo batena Salomo ambangungi anjo Balla'Na Batara sa'genna le'ba'.

2 KARAENG-KARAENG 12:12

tukang batua, kammayatompa tukang pa' batua. Ammalli tongi anjo sikamma pangawasaka kayu siagang batu, kammayatompa naatoroki ke'nanga sikontu doe' nipasuluka untu' anjo pappakabajikanga.

2 KARAENG-KARAENG 22:6

sikamma tukang kayua, tukang bangunanga, tukang batua, kammayatompa untu' ammalli kayu siagang batu niparalluanga.

1 PATTOTTORANG 14:1

Karaeng Hiram battu ri pa'rasangang Tirus, akkiringi siapa are tunisuro battu mange ri Daud. Kammayatompa akkiringi kayu camara battu ri Libanon siagang tukang-tukang kayu, tukang-tukang batu, untu' ambangung balla' napammantangia karaeng.

1 PATTOTTORANG 29:1

Nampa nakana Karaeng Daud mae ri sikontu tau a'rappunganga anjoreng, “Battu ri sikontu ana' bura'neku, Salomomi Napile Allata'ala. Mingka rungka dudu iji siagang kurang iji pangalamanna, naanne jama-jamanga sanna' lompona. Nampa pole anjo lanibangunga teai balla' karaeng rupatau, passangalinna balla' untu' Karaeng Allata'ala.

2 PATTOTTORANG 2:16

Lanna'bangi ikambe kayu camara battu ri Libanon sangkamma jaina kiparalluanga, nampa nisikko' a'jari raki', siagang nipalo'lorang ri je'ne' battu ri tamparang sa'genna mange ri Yope. Battu anjoreng akkullei kilaling mange ri Yerusalem.”

2 PATTOTTORANG 2:17

Nasuro rekengi Karaeng Salomo sikontu bansa maraeng niaka ammantang ri Israel, kamma le'baka nagaukang Karaeng Daud manggena. Singara'mi angkanaya nia' 153.600 jaina tau bansa maraeng.

EZRA 3:7

Anynyumbang tommi doe' ra'yaka untu' anggaji tukang batua siagang tukang kayua. Akkiring tommi ke'nanga kanre, inungang siagang minynya' zaitun mange ri kota-kota Tirus siagang Sidon untu' nipassambe siagang kayu camara Libanon battu ri anjo kota-kotaya. Anjo kayu-kayua nierangi mange ri Yafo ammalo tamparang. Yangasenna anjo nagaukangi ra'yaka situru' ising napassareanga Kores, karaeng Persia.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.