1 PATTOTTORANG 21:3 - KITTA' MATANGKASA'

³ Appialimi Yoab angkana, “Poro Napa'lappi-lappi Batara ra'ya' Israel sa'genna a'lappi sibilangngang jaina battu ri niaka ri kamma-kammaya anne. O karaeng, sai ma'nassami angkanaya tundu'mi ke'nanga mae ri katte? Angngapa namusti nisuro bilang taua? Gassingka sallang, lanri anne kasalanga nanakasia' kodina sikontu bansaya.”

1 PATTOTTORANG 21:3 ပူးပေါင်းရင်းမြစ်များ

PA'JARIANG 20:9

Le'baki anjo nakio'mi Abimelekh anjo Abraham nampa nakuta'nang angkana, “Apa anne le'baka nugaukang mae ri kambe? Apa salangku mae ri kau, sa'genna nupamae anne balaya ri kalengku siagang ri kakaraengangku? Tena sikali nusiratang la'gau' kamma anjo mae ri nakke.

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

2 KARAENG-KARAENG 12:7

Lanri kammana anjo nakio'mi Yoas Imang Yoyada siagang sikamma imang-imang maraenga, nampa nakana, “Angngapa natena ngasempa nupakabajiki Balla'Na Batara? Appakkaramula anne alloa tena ngasemmo nanipa'biangko amboliki doe' nutarimaya. Kabusu'na musti nupassareangi untu' ampakabajiki Balla'Na Batara.”

1 PATTOTTORANG 19:13

Sa'barakko! Umba kibarjuang siagang barani untu' bansata siagang untu' kota-kotaNa Allata'alata. Tapporo Nagaukang Batara apa Nakaerokia.”

1 PATTOTTORANG 21:4

Mingka tuli atta'galaki karaenga ri anjo parentana. Jari a'lampami Yoab mange ri sikontu Israel sa'genna ri kampong-kampong bellaya, nampa ammotere' mange ri Yerusalem,

PAMMUJI 115:14

Poro Napassareangi Batara jai ana' mae ri kau ngaseng siagang turungannu.

KALAPPASSANG 30:12

“Ri wattunna nibilang bansa Israel, tunggala' tu bura'nea musti a'bayaraki mae ri Nakke, iamintu doe' pappasulu' untu' kalenna sollanna tena natujui bala ri wattunna nibilang ke'nanga.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

PANGNGEBARANG 14:28

Kakalumanynyanganna karaenga iamintu ri pajaina ra'ya'na; punna tena ra'ya'na takkulleai koasa.

YESAYA 26:15

Le'ba'mi Kipa'lappi-lappi jaina ummatTa, o Batara, Kipa'jari luara' daerana ikambe, lanri kammana anjo iKattemi nipakala'biri'.

YESAYA 48:19

Turungannu lajai rapang lisere' kassika; Kutanggongi angkanaya talanipanrakiai ke'nanga.”

PAOLE 1:11

Dasi-dasi na Batara, Allata'alana boe-boenu tulusu' antambai jainu sa'genna a'lappi sisa'bu, kammayatompa Napa'jariko bansa akkalumanynyang sangkamma le'baka Napa'janjiang.

YOSUA 22:15

Nabattumo ke'nanga mange ri tampa'na suku Ruben, suku Gad siagang suku Manasye rayaya ri daera Gilead.

1 SAMUEL 2:24

Teako appakammai pole anjo na'. Teai sipato' kodina anjo nabicaraya umma'Na Batara ri passala' panggaukannu.