1 PATTOTTORANG 2:51 - KITTA' MATANGKASA'

⁵¹ Salma ana' makaruana, iami ambangungi kota Betlehem; na Haref ana'na makatallua ambangungi kota Bet-Gader.

1 PATTOTTORANG 2:51 ပူးပေါင်းရင်းမြစ်များ

PA'JARIANG 35:19

Matenamo Rahel, nitarawammi ri biring agang mangea ri Efrata, ia niarenga kamma-kamma anne Betlehem.

1 PATTOTTORANG 2:50

Iaminne turungang battua pole ri Kaleb: Hur iami ana' kaminang toana Kaleb battua ri bainenna niarenga Efrat. Syobal ana'na Hur, iami ambangungi kota Kiryat-Yearim.

1 PATTOTTORANG 2:52

Syobal, ambangungai kota Kiryat-Yearim, iami boe-boena tu Haroë, boe-boena sipa'gang tau ammantanga ri Menuhot,

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

MATIUS 2:6

‘Ikau Betlehem, ri pa'rasangang Yudea, Tena sikali naikau kaminang tuna ri alla'na sikamma kota lompo niaka ri Yudea, Nasaba' battu ri kaumi lammumba sitau pamimping eroka ampimpingi ummakKu Israel.’ ”

YOHANES 7:42

Kania' tattulisi' lalang ri Kittaka angkanaya anjo Karaeng Mappasalamaka sossoranna Daud siagang labattu anjorengi mae ri Betlehem, iamintu kamponna Daud.”

RUT 1:1

Ri jammang riolo ri tenanapa karaenna tu Israel, nitutujui bala kacipurang pa'rasangang Kanaan. Anjo wattua nia' sitau bura'ne niareng Elimelekh. Ia assala'na battui ri bija Efrata, siagang anjorengi ri Betlehem ri daera Yehuda ammantang. Passabakkang anjo bala kacipuranga na'lampamo mange ri pa'rasangang Moab siagang bainenna, niarenga Naomi, siagang rua ana'na bura'ne iamintu niarenga Mahlon siagang Kilyon. Nampa ammantammo ke'nanga anjoreng. Na ri wattu nia'na ija ke'nanga anjoreng,

RUT 1:19

Jari napatulusu'mi lampana ke'nanga, sa'genna anrapi' mange ri Betlehem. Kamma battuna ke'nanga mange anjoreng, gegere'mi taua ri sikontu anjo kotaya. Nakana ngasemmo tubai'-bainea anjoreng, “Maka Naomi tojengka anjo?”

RUT 2:4

Tena nasallo battumi Boas battu ri Betlehem na'barisallang mae ri sikamma pakattoa. Nakana, “Poro Narurungang ngasengko Batara.” Appialimi sikamma pakattoa angkana, “Poro Nabarakkakiki' Batara”.

RUT 4:11

Sikamma tutoa-toana masarakaka siagang tumaraengannaya ia hadereka anjoreng massing angkanami, “Iyo, ikambemi sa'bina. Tapporo nipa'jari anjo bainennu ri Batara sangkamma Rakhel siagang Lea, allassukanga jai ana' untu' Yakub. Tapporo kalumanynyangko ri tangnga-tangngana tau battua ri bijanna Efrata, siagang tapporo alla'bangko niasseng ri Betlehem.