1 PATTOTTORANG 17:9 - KITTA' MATANGKASA'

^9-10 Untu' ummakKu Israel Kupasadiammi tampa' untu' a'jari butta passolongang cera'na ke'nanga, sollanna akkulle sannang tallasa'na ke'nanga siagang tena angganggui pole. Appakkaramula battuna ke'nanga anrinni ri buttaya riolo, siagang ri wattu tenanapa karaenna ke'nanga, nibunduki ke'nanga ri sikamma tau nangaia katerassanga. Mingka anne kammaya taKupa'biangami kajariang poleang. A'janjiA' angkana laKubeta ngasengi sikontu musunnu, siagang laKusareko katurungang.

1 PATTOTTORANG 17:9 ပူးပေါင်းရင်းမြစ်များ

1 PATTOTTORANG 17:8

Le'ba' mako Kutulung manna kemae lampanu, siagang sikontu musunnu Kutumpasa' ngasemmi ri wattunnu a'bundu'. LaKupa'jari masahoroki arennu sangkamma pamimping-pamimping kaminang lompoa ri lino.

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 89:22

Tuli lanijagai ri kagassingang battua ri Nakke, koasaKu lampakagassingi.

PAMMUJI 92:13

Tau lambusuka accu'laki sanrapang poko' koro'ma, coppong timbona sanrapang poko' camara Libanon.

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

YESAYA 49:17

Sikamma tau eroka ambangungko labattui linta', siagang tau le'baka angngancurukko la'lampai.

YESAYA 60:18

Tenamo kabara'na nikanaya katerassang nigaukang ri pa'rasangannu, nikanaya kaancuranga siagang karuntungang ri daeranu. RapangA' tembo' lanjagaiko, nalanupujiA' a'jari mappasalama'nu.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YEREMIA 24:6

LaKujagai ke'nanga siagang laKuerangi ke'nanga ammotere' mae anrinni ri pa'rasanganga. LaKupabangungi ke'nanga, tena naKuruntungi; laKulamungi, tena naKubi'buki ke'nanga.

YEREMIA 32:41

Lasannangi pa'maikKu a'gau' baji' mae ri ke'nanga, naKupammantang ke'nanga anrinni ri anne pa'rasanganga sa'genna satunggu-tungguna.

YEHEZKIEL 28:4

Nupakei kacara'dekannu siagang pammahannu untu' appasse're barang-barang, bulaeng, siagang pera'.

YEHEZKIEL 34:13

LaKupasuluki ke'nanga battu ri tangngana bansa-bansaya siagang pa'rasangang-pa'rasangang maraeng, nampa Kupa'rappung siagang Kuerang mange ri pa'rasangang kalenna. LaKukalawaki ke'nanga ri sikamma monconga siagang ka'bunga ri Israel, siagang Kururungang mange ri parang ruku' nyamanga.

AMOS 9:15

LaKuboliki ummakKu ri pa'rasangang le'baka Kupassareang mae ri ke'nanga. Tenamo nalanibi'bu' ammotere' ke'nanga battu anjoreng. INakke, Karaeng Allata'alana ke'nanga anne akkana.”

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”