1 PATTOTTORANG 17:7 - KITTA' MATANGKASA'

⁷ Lanri kammana, ikau Natan, pabattui mae ri atangKu Daud angkanaya iNakke, Batara Kaminang Makoasaya, angkana ri ia, ‘Le'ba' mako Kualle battu ri jama-jamannu akkalawaki gimbala' ri paranga, nampa Kupa'jariko karaeng mae ri ummakKu Israel.

1 PATTOTTORANG 17:7 ပူးပေါင်းရင်းမြစ်များ

2 SAMUEL 6:21

Appialimi Daud angkana, “A'jogeka' untu' ampakala'biriki Batara, le'baka antollaki manggenu siagang kaluargana, nampa Napileia' a'jari pamimpinna Israel, umma'Na. Lanri kammana anjo tuli la'jogeka' untu' ampakala'biriki Batara.

2 SAMUEL 7:8

Lanri kammana anjo Natan, pauangi atangKu Daud, angkanaya iNakke Batara Kaminang Koasaya, angkana ri ia, ‘Le'ba' mako Kualle battu ri jama-jamannu akkalawakia gimbala' ri paranga siagang Kuangkakko a'jari karaeng mae ri ummakKu Israel.

1 PATTOTTORANG 17:6

Lalang a'lampaKu ri kere-keremae siagang bansa Israel, tena le'bakapA' akkuta'nang mae ri pamimping-pamimping le'baka Kupile, apa saba'na natena napabangungangA' ke'nanga se're balla' ia nipareka battu ri kayu camara battua ri Libanon.’

1 PATTOTTORANG 17:8

Le'ba' mako Kutulung manna kemae lampanu, siagang sikontu musunnu Kutumpasa' ngasemmi ri wattunnu a'bundu'. LaKupa'jari masahoroki arennu sangkamma pamimping-pamimping kaminang lompoa ri lino.

MATIUS 2:6

‘Ikau Betlehem, ri pa'rasangang Yudea, Tena sikali naikau kaminang tuna ri alla'na sikamma kota lompo niaka ri Yudea, Nasaba' battu ri kaumi lammumba sitau pamimping eroka ampimpingi ummakKu Israel.’ ”

LUKAS 5:10

Kammayatompa agang-aganna Simon, iamintu Yakobus siagang Yohanes, ana'na Zebedeus. Nakanamo Isa ri Simon, “Teako mallakki! Pakkaramula ri kamma-kammaya anne la'jariko sanrapang pajala tau.”

1 SAMUEL 17:15

biasai Daud a'lampa ambokoi Saul siagang ammotere' mange ri Betlehem untu' angkalawaki gimbala'na manggena.