1 PATTOTTORANG 17:5 - KITTA' MATANGKASA'

⁵ Appakkaramula Kupasulu'na bansa Israel battu ri Mesir sa'genna kamma-kamma anne, tena le'bakapA' ammantang lalang ri se'reang balla'. Tuli lalangKu ri kemaya ammantang.

1 PATTOTTORANG 17:5 ပူးပေါင်းရင်းမြစ်များ

2 SAMUEL 6:17

Anjo Patti Parjanjianga nipadongkoki lalang ri kema le'baka natannang Daud untu' anjo Pattia. Nampa assare Daud koro'bang nitunu siagang koro'bang passiamakkang mae ri Batara.

2 SAMUEL 7:6

Baku'na Kulappassang bansa Israel battu ri Mesir sa'genna kamma-kamma anne, tena le'baKa' ammantang lalang ri se'reang balla', passangalinna a'la'bangA' tuli a'lampa siagang lalangA' ri kemaya ammantang.

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

1 KARAENG-KARAENG 8:4

nampa naerang ke'nanga mange ri Balla'Na Batara. KemaNa Batara siagang sikontu pakkakasa'na nipalette' tongi mange ri Balla'Na Batara, ri sikamma imanga siagang tu Lewi.

2 PATTOTTORANG 2:6

Mingka sikontutojenna tena manna sitau nia' pakkullena ambangung balla' untu' Allata'ala, lanri manna sikontu anne linoa takkulle angga'na lompona untu' a'jari pammantanganNa. Jari, anjo Balla'Na Batara poro lasanrapanji bawang tampa' pattunuang dupa mae ri Allata'ala!

2 PATTOTTORANG 6:18

Mingka o Allata'ala, maka ma'nassa ero' tojenjaKi' ammantang ri anne tompo'na buttaya, ri tangnga-tangngana rupataua? Manna sikontu langika tagannaki luara'na untu' Kipammantangngi, la'biangampa naanne balla' sambayang kubangunga!