1 PATTOTTORANG 17:16 - KITTA' MATANGKASA'

¹⁶ Antama'mi Karaeng Daud ri KemaNa Batara. Nampa ammempo nappala' doang angkana, “O, Karaeng Allata'ala, inakke siagang kaluargaku tena kusiratang antarimai sikamma kabajikang Kipappicinikanga anne siapa sallona.

1 PATTOTTORANG 17:16 ပူးပေါင်းရင်းမြစ်များ

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

PAMMUJI 144:3

O, Batara, apa todong anjo rupataua naKiparhatikangi? Inaika ia sa'genna Kijampangi?

1 SAMUEL 9:21

Appialimi Saul angkana, “Inakke anne tau battua' ri suku Benyamin, suku kaminang ca'dia ri Israel, kammayatompa pole kaluarga kaminang tenaya anggaranna lalang ri anjo sukua. Jari angngapa nakiakkana kamma anjo mae ri nakke?”

1 SAMUEL 7:12

Le'baki anjo appaentemmi Samuel se're batu, ri pa'baeng-baenna Mizpa siagang Sen. Nakanamo, “Natulung maki' Batara siganna'na.” Nampa naareng anjo batua “Batu Pannulungang”.

2 KORINTUS 1:10

Iami le'baka ampasalamaki ikambe battu ri bahaya lompona anjo kamateanga. Kammayatompa Ia tommi sallang lampasalamaki ikambe ri allo-allo labattua. Nasaba' Iami panrannuanna ikambe.

LAMPA-LAMPANA 26:22

Mingka sa'genna kamma-kamma anne tuli nijagaia' ri Allata'ala, sa'gengku akkulle ammenteng anrinni, a'jari sa'bi mae ri sikamma taua – baji' natau lompo kammayatompa tau ca'dia. Anne apa kupaua tena le'ba' sisalana siagang apa-apa le'baka nasero kana na'bi-na'bia siagang Musa;

2 KARAENG-KARAENG 19:14

Natarimai Hizkia anjo suraka battu ri sikamma anjo tunisuroa, nampa nabaca. Nampa a'lampa mange ri Balla'Na Batara, siagang napaka'rang anjo suraka ri dallekanNa Batara,

HAKING-HAKING 6:15

Appialimi Gideon angkana, “Angngapa, na inakke Batara? Maka inakke lakkulle allappassangi umma' Israel battu ri kakoasanna tu Midian? Lalang ri suku Manasye, golongangkumi kaminang lamma. Na ilalang ri bija pammanakangku, inakkemi kaminang tuna.”

1 PATTOTTORANG 17:15

Napabattumi Natan mae ri Daud sikontu anjo le'baka Napau Allata'ala mae ri ia.

1 PATTOTTORANG 17:17

Ba'lalo nala'biangampa pole anjo apa Kigaukanga; le'ba'maKi' a'janji ri passala'na turungangku sallang labattua. Ba'lalo Kipa'jarima' se're tau malompo.

1 PATTOTTORANG 29:14

Inakke siagang anne ra'yakku sikontutojenna tena pakkullena assare apa-apa mae ri Katte, lanri yangasenna passareTa tonji. Na anne apa napassareanga ikambe iKatte tonji pata.

2 PATTOTTORANG 1:8

Appialimi Salomo angkana, “O Allata'ala, le'ba'mi Kipa'nyata angkanaya sanna' Kikamaseanna manggeku Daud, siagang le'ba'ma' Kiangka' a'jari karaeng untu' ansambeangi.