1 PATTOTTORANG 17:1 - KITTA' MATANGKASA'

¹ Ammantannamo Daud ri balla' kakaraenganna, ri se'reang allo nakio'mi Na'bi Natan nampa nakana ri ia, “Ciniki anne, ammantamma' ri balla' kakaraengang nipareka battu ri kayu camara battua ri Libanon, mingka Patti ParjanjianNa Batara poro lalanji bawang ri kemaya ammantang!”

1 PATTOTTORANG 17:1 ပူးပေါင်းရင်းမြစ်များ

2 SAMUEL 12:1

Le'baki anjo Nasuromi Batara Na'bi Natan mange angngagangi sibuntulu' Daud. A'lampami Natan mae ri ia na nakana, “Nia' rua tau ammantang lalang ri se'reang kota; anjo se'rea kalumanynyangi nampa anjo se'reanga pole kasi-asi.

2 SAMUEL 12:25

siagang Nasuroi Na'bi Natan assarei areng Yedija anjo anaka, lanri nikamaseangi ri Batara.

2 SAMUEL 6:17

Anjo Patti Parjanjianga nipadongkoki lalang ri kema le'baka natannang Daud untu' anjo Pattia. Nampa assare Daud koro'bang nitunu siagang koro'bang passiamakkang mae ri Batara.

1 KARAENG-KARAENG 1:23

Nampa nipauammi karaenga angkanaya niaki Na'bi Natan. Assulu'mi Batsyeba, nampa antama' Na'bi Natan, siagang su'ju' ri dallekanna karaenga.

1 KARAENG-KARAENG 1:44

Zadok, Natan, Benaya, siagang pangawala' kalenna karaenga le'ba'mi nisuro anrurungangi Salomo. Nipanai'mi Salomo ri ke'nanga ri keledai kalenna karaenga,

1 KARAENG-KARAENG 1:8

Mingka Imang Zadok, Benaya ana'na Yoyada, Na'bi Natan, Simei, Rei siagang pangawala' ri kalenna Karaeng Daud, tena nammenteng ri Adonia.

1 KARAENG-KARAENG 8:17

Nampa pole nakana Salomo, “Manggeku Daud le'ba'mi narancanakang untu' ambangung balla' tampa' passambayangngang mae ri Karaeng Allata'alana Israel.

1 PATTOTTORANG 14:1

Karaeng Hiram battu ri pa'rasangang Tirus, akkiringi siapa are tunisuro battu mange ri Daud. Kammayatompa akkiringi kayu camara battu ri Libanon siagang tukang-tukang kayu, tukang-tukang batu, untu' ambangung balla' napammantangia karaeng.

1 PATTOTTORANG 15:1

Ambangummi Daud siapa are balla' untu' kalenna ri Kota Daud, siagang appasadiami tampa' untu' Patti ParjanjianNa Allata'ala, nampa appaenteng kema untu' anjo Pattia.

1 PATTOTTORANG 16:1

Nipadongko'mi anjo Patti Parjanjianga lalang ri kema le'baka napasadia Daud untu' anjo Pattia. Nampa assaremo koro'bang ke'nanga mae ri Allata'ala, iamintu koro'bang nitunu siagang koro'bang untu' passiamakkang.

1 PATTOTTORANG 17:2

Appialimi Natan angkana, “Kigaukammi apa niaka ri nyawata karaeng, nasaba' Natulungki' antu Allata'ala.”

1 PATTOTTORANG 17:5

Appakkaramula Kupasulu'na bansa Israel battu ri Mesir sa'genna kamma-kamma anne, tena le'bakapA' ammantang lalang ri se'reang balla'. Tuli lalangKu ri kemaya ammantang.

1 PATTOTTORANG 22:6

Nakio'mi Daud ana' bura'nena iamintu Salomo, nampa naparentakang untu' ambangungi anjo Balla'Na Karaeng Allata'ala nasombaya umma' Israel.

1 PATTOTTORANG 22:7

Nakanamo Daud ri Salomo, “Anakku, salloma' ero' ambangung se're balla' untu' ampakala'biriki Karaeng Allata'alaku.

1 PATTOTTORANG 28:2

Ammentemmi Daud ri dallekanna ke'nanga nampa nakana, “Sikamma sari'battang julu bansaku, pilangngeri anne kanangku! Salloma' ero' ambangung se're balla' attantu untu' Patti Parjanjiang, pattuppuang bangkenNa Karaeng Allata'alata. Le'ba'ma' appare' parsadiaang untu' ambangung se're balla' untu' a'jari tampa' anynyomba mae ri Ia.

1 PATTOTTORANG 29:29

Ia riwaya'na Karaeng Daud battu ri pakaramulanna sa'genna kala'busanna le'ba'mi nicata' lalang ri kitta' Na'bi Samuel, Na'bi Natan, siagang Na'bi Gad.

2 PATTOTTORANG 1:4

Mingka Patti ParjanjianNa Batara niaki ri Yerusalem, lalang ri kema nabangunga Daud untu' anjo Pattia ri wattunna napalette' battu ri Kiryat-Yearim.)

PAMMUJI 132:5

punna tenapa kuppasadia balla' untu' Allata'alana Yakub, tampa' pammantangang untu' Batara Kaminang Gassinga.”

KALAPPASSANG 26:1

“Apparekko Kema untu' iNakke; ia nupareka iamintu sampulo polong kaeng lenang alusu', nitannungi siagang wol gauka tanja'na, lame butung, siagang eja. Sulangi anjo kaenga siagang gambara' malaeka' akka'nyi'.

YEREMIA 22:15

Pilangngeri, he Karaeng Yoyakim! Punna nubangung balla' karaeng battu ri kayu Libanon kaminang bajika, maka nukana anjo a'jari butti angkanaya ikau karaeng kaminang baji' battu ri sikamma karaeng maraenga? Coba sai u'rangi manggenu: Nakasiaki tallasa' mate'nea siagang angngerangi wassele' sikontu usahana, lanri tuli lambusuki siagang tena najekkong angngadeli, kammayatompa adeleki angngadeli parkarana tau kasi-asia. Memang kammaminjo mustina panggaukanna tau tappaka mae ri Batara.

DANIEL 4:4

Ammantanga' siagang salewangang ilalang ri balla' kakaraengangku na sukku' baji'na pattallassangku.

HAGAI 1:4

“He ummakKu, maka narapi'mi wattunnu untu' ammantang lalang ri balla' bajika siagang kassaka, nampa BallakKu tuli sangkammana tambungang loro?

HAGAI 1:9

Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

LAMPA-LAMPANA 7:46

Nipakasannammi atinNa Allata'ala ri Daud siagang napala'mi sollanna nikellai appare' se're Balla' Sambayang untu' Allata'ala, nisombaya ri Yakub.