1 PATTOTTORANG 16:9 - KITTA' MATANGKASA'

⁹ Akkelongko pammuji mae ri Batara birittakangi sikamma bate pare' malompoNa.

1 PATTOTTORANG 16:9 ပူးပေါင်းရင်းမြစ်များ

1 PATTOTTORANG 16:10

Iami Batara tenaya ruanna; ma'rannu-rannuki', nasaba' ikattemi taunNa; sikontu anynyombaya ri Ia ma'reja-rejako.

1 PATTOTTORANG 16:24

Caritai kala'biranNa ri sikontu bansa-bansaya, gau'-gau' malompoNa ri umma' rupataua.

1 PATTOTTORANG 16:8

Sukkurukko mae ri Batara birittakangi kalompoanNa caritakangi apa Nagaukanga ri tangnga-tangngana bansa-bansaya.

AYUB 36:24

Ia tuli nipuji lanri bate pare'Na, na ikau pole siratang tongi nupakalompo.

PAMMUJI 145:12

sollanna naasseng sikontu taua panggaukang lompoTa, kammayatompa kakaraengang mala'biritTa siagang accayaya.

PAMMUJI 40:10

Lalang pa'rappunganna ummatTa kupabattui kabara' bajika angkanaya iKatte le'ba' ampasalamaki ikambe. Tena ammarina kupabattu anjo passalaka, Kiasseng ngasengi anjo sikammaya, o, Batara.

PAMMUJI 71:17

O, Allata'ala, Kiajarakka' battu ri wattu rungkaku, sa'genna anne kamma kucaritai bate pare' malompoTa.

MALEAKHI 3:16

Nampa sikamma tau mallaka ri Batara massing sipa'bicarami para ia. Napilangngeri siagang Naparhatikangi Batara apa napaua ke'nanga. Sikamma tau mappakalompoa ri Ia siagang tau mallaka ri Ia, nitulisiki arenna lalang ri se'reang kitta' catatang niaka ri dallekanna.

MATIUS 26:30

Le'baki anjo, akkelong-kelommi ke'nanga se're kelongang pammuji ri Allata'ala. Nampa a'lampa ke'nanga mange ri Bonto Zaitun.

EFESUS 5:19

Pakei kana-kana mappakala'birika, kelong pammuji-mujia siagang lagu-lagu rohania lalang ri kana-kanannu. Paralluko rannu pa'mai' akkelong mammuji-muji mae ri Batara makoasaya.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

YAKOBUS 5:13

Punna nia' ri tangnga-tangnganu tau susa, parallui appala' doang. Punna nia' tau rannu, parallui akkelong mammuji ri Allata'ala.