1 PATTOTTORANG 16:4 - KITTA' MATANGKASA'

⁴ Angngangka'mi Daud siapa are tu Lewi untu' ampimpingi pa'gaukang passambayanganga mae ri Batara, Allata'alana Israel, ri dallekanna anjo Patti Parjanjianga, siagang kelong, na pammuji-muji.

1 PATTOTTORANG 16:4 ပူးပေါင်းရင်းမြစ်များ

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PA'JARIANG 33:20

Nampa ambangung tampa' pakkoro'bangngang anjoreng ri tampaka. Naaremmi “El, Allata'alana Israel”.

1 KARAENG-KARAENG 8:15

Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

1 PATTOTTORANG 15:16

Nasuro tommi Daud sikamma anjo pamimpinna tu Lewi sollanna nasuro siapa are jaina tau battu ri sukuna ke'nanga untu' akkelong siagang akkarena lalang kelong-kelong karannuang siagang kacapi na simbala'.

1 PATTOTTORANG 16:3

nampa nabage-bagei ngaseng kanre ke'nanga. Sikontu tau niaka anjoreng, bura'ne yareka baine, massing anggapai sikere' dageng nitunu, roti, siagang kanrejawa kismis.

1 PATTOTTORANG 16:5

Asaf nipile a'jari pamimping lomoro' se're, nampa Zakharia wakkele'na. Yeiel, Semiramot, Yehiel, Matica, Eliab, Benaya, Obed-Edom siagang Yeiel nisare ngaseng tugasa' untu' akkarena kacapi. Asaf nisare tugasa' akkarena simbala',

1 PATTOTTORANG 16:8

Sukkurukko mae ri Batara birittakangi kalompoanNa caritakangi apa Nagaukanga ri tangnga-tangngana bansa-bansaya.

1 PATTOTTORANG 25:1

Untu' ammimping sikamma pa'gaukang passambayanganga, napilemi Karaeng Daud siagang sikamma pamimping tu Lewi, sikamma bija-bija tu Lewi iamintu: Asaf, Heman, siagang Yedutun. Iami ke'nanga nisare tugasa' untu' ampabattui pappasang battua ri Allata'ala siagang nirurungang musi' kacapi, gambusu', siagang simbala'. Untu' ammimping sambayang siagang massing-massing antekamma pa'gaukanna, nipilemi siapa are regu iamintu:

1 PATTOTTORANG 6:31

Pakkaramula nipalette'namo Patti Parjanjianga mae ri tampa' passambayanganga ri Yerusalem, napileimi Karaeng Daud siapa are tau nisarea tanggong jawa' untu' kelong-kelong pammuji-mujianga ri Balla'Na Batara.

EZRA 3:10

Ri wattunna appakkaramula napadongko' batu pundasina pajamaya anjo bangunang Balla'Na Batara ri Yerusalem, sikamma imanga ammakei juba siagang anna'galaki tarompe' na massing angngalle tampa'. Tu Lewi battua ri golongang Asaf ammenteng tongi anjoreng, massing anna'gala' gong-gong ca'di. Mammuji-mujimi ke'nanga ri Batara situru' paratorang le'baka nipattantu appakkaramula ri jammang Karaeng Daud.

NEHEMIA 12:24

Nibage-bagei tu Lewi lalang siapa area kalompo', nipimping ri Hasabya, Serebya, Yesua, Binui, siagang Kadmiel. Massing ta'rua kalompo' anggaukangi tugasa' mammuji ri Batara siagang appala' sukkuru' ri Ia. Assibalasa'-balasaki ke'nanga, situru' paratorang Karaeng Daud, anjo atanNa Allata'ala.

PAMMUJI 103:2

Pujimi Batara, he nyawaku, teako kaluppai sikontu kabajikanNa!

PAMMUJI 105:5

He, turunganna Abraham, atanNa, siagang turunganna Yakub tunipileNa, u'rangi sikontu gau' appakalannasa' sikontu le'baka Nagaukang, teako kaluppai sikamma kaputusanNa.

PAMMUJI 106:48

Pujimi Batara, Allata'alana Israel, anne kamma siagang satunggu-tungguna. Boli'mi kamma yangaseng taua angkana, “Aming!” Pujimi Batara!

PAMMUJI 37:1

Battu ri Daud. Teako lussakki lanri tu ja'dalaka, teako angngiri matai mae ri tu a'gau' salaya.

PAMMUJI 70:1

Untu' pamimping pakelong. Battu ri Daud, ri wattunna assare passare koro'bang pappakainga'.

PAMMUJI 72:18

Nipujimi Batara, Allata'alana Israel! Iaji bawang akkulle anggaukangi apa-apa appakalannasaka.