1 PATTOTTORANG 16:3 - KITTA' MATANGKASA'

³ nampa nabage-bagei ngaseng kanre ke'nanga. Sikontu tau niaka anjoreng, bura'ne yareka baine, massing anggapai sikere' dageng nitunu, roti, siagang kanrejawa kismis.

1 PATTOTTORANG 16:3 ပူးပေါင်းရင်းမြစ်များ

1 KARAENG-KARAENG 3:15

Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

1 PATTOTTORANG 16:2

Le'baki napassareang Daud anjo sikamma koro'banga, nabarakkakimi ra'yaka lalang arenNa Batara,

1 PATTOTTORANG 16:4

Angngangka'mi Daud siapa are tu Lewi untu' ampimpingi pa'gaukang passambayanganga mae ri Batara, Allata'alana Israel, ri dallekanna anjo Patti Parjanjianga, siagang kelong, na pammuji-muji.

2 PATTOTTORANG 30:24

Anynyumbammi Karaeng Hizkia 1.000 sapi laki siagang 7.000 gimbala'. Pagawe-pagawena Hizkia assare todong sumbangang 1.000 sapi laki siagang 10.000 gimbala'. Sikontu anjo olo'-oloka nipassareangi mae ri ra'yaka untu' nipolong nampa nikanre. Sanna' jaina imang antangkasi kalenna.

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

KELONG MALA'BIRI' 2:5

Pakajarreka' siagang te'nena rappo anggoroka, pakkamalea' siagang rappo appele', lanri inakke garring pattanringa'.

YESAYA 16:7

Lanri kammana anjo, lappassammi anjo bansa Moab sikarruki. Lappassammi ke'nanga angngarru' punna nau'rangi kanre nyamang biasaya nakasia' ke'nanga ri wattunna nia' ri kota Kir-Hareset. Lappassammi ke'nanga tappu' minasa siagang akkunrareng.

YEHEZKIEL 45:17

Iami musti ammalli olo'-olo' untu' koro'bang nitunu siagang bahang-bahang untu' koro'bang gandung siagang koro'bang anggoro' untu' sikontu bansa Israel ri allo-allo lompoa, iamintu allo lompo Bulang Beru, allo Pammari-mariang, siagang allo lompo maraengannaya. Musti appasadiai koro'bang untu' pammopporang dosa, koro'bang gandung, koro'bang nitunu, siagang koro'bang passiamakkang untu' appala' popporo' lanri ri dosana bansa Israel.”

HOSEA 3:1

Nakana Batara ri nakke, “A'lampako pole siagang angngaiko pole sitau baine nangaia a'gau' bawang. Mangngaiko ri ia sangkamma iNakke mangngaiA' ri tu Israel manna pole nabokoiA' ke'nanga nanynyomba ri barhala-barhala maraenga siagang nangai assare kanrejawa kismis mae ri barhalaya.”

1 PETRUS 4:9

Paralluko massing sitoana baji' ri balla'nu, siagang teako akkunrarengi.