1 PATTOTTORANG 14:2 - KITTA' MATANGKASA'

² Lanri kammana tappa'mi Daud angkanaya nipakajarre'mi ri Batara untu' a'jari karaeng Israel, siagang nipakajarre'mi kakaraenganna untu' kaparalluang Umma'Na Batara.

1 PATTOTTORANG 14:2 ပူးပေါင်းရင်းမြစ်များ

2 SAMUEL 7:16

Tuli lania'na jari-jarinu, siagang laKupa'jari kakaraengannu attahang sa'genna satunggu-tungguna. Nia' sitau jari-jarinu lammarenta salaku karaeng sa'genna satunggu-tungguna.’ ”

2 SAMUEL 7:8

Lanri kammana anjo Natan, pauangi atangKu Daud, angkanaya iNakke Batara Kaminang Koasaya, angkana ri ia, ‘Le'ba' mako Kualle battu ri jama-jamannu akkalawakia gimbala' ri paranga siagang Kuangkakko a'jari karaeng mae ri ummakKu Israel.

1 KARAENG-KARAENG 10:9

Nipujimi Batara, Allata'alata! Lalang Naangkatta a'jari karaeng Israel, Napappicinikammi Batara antekamma mangngaiNa mae ri katte. Tena le'ba'-le'ba'na Nakamaseang bansa Israel; Iaminjo saba'na na Naangkakki' a'jari karaenna ke'nanga, sollanna akkulle kipaenteng hukkunga siagang kaadelanga.”

1 PATTOTTORANG 14:1

Karaeng Hiram battu ri pa'rasangang Tirus, akkiringi siapa are tunisuro battu mange ri Daud. Kammayatompa akkiringi kayu camara battu ri Libanon siagang tukang-tukang kayu, tukang-tukang batu, untu' ambangung balla' napammantangia karaeng.

1 PATTOTTORANG 14:3

Ri Yerusalem angngallemi pole siapa are baine na nabaineang, sa'genna anggappamo pole siapa are ana'.

1 PATTOTTORANG 17:17

Ba'lalo nala'biangampa pole anjo apa Kigaukanga; le'ba'maKi' a'janji ri passala'na turungangku sallang labattua. Ba'lalo Kipa'jarima' se're tau malompo.

2 PATTOTTORANG 2:10

Untu' bokonna ngaseng anjo taunta lakukiringanki' ruang rupa gandung, massing-massing 2.000 tong sirupa, je'ne' anggoro' 400.000 litere' siagang minynya' zaitun 400.000 litere'.”

2 PATTOTTORANG 2:11

Salaku balasanna anjo sura'na Karaeng Salomo, akkirimmi sura' Karaeng Hiram; na kammami anne bonena anjo suraka, “Lanri Nakamaseanna Batara umma'Na, na Naangka'maki' a'jari karaeng mae ri ke'nanga.

ESTER 4:14

Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”

DANIEL 2:30

Anne rahasiaya le'ba'mi nipakasingara' mae ri atanta mingka teai lanri anne atanta la'bi cara'dekangngangi natau maraenga, passangalinna akkulle kiasseng battuanna anjo so'nata karaeng, siagang niasseng todong bone atinta karaeng.

PAMMILANGNGANG 24:7

Anggappai je'ne' bosi alla'bi-la'bi, anggappai jai je'ne' bine lamunganna. Lamala'biriki karaenna, la'biangang na Karaeng Agag, na lanipakala'biri' kakaraenganna.

PAOLE 28:1

“Punna mannurukiko ri Karaeng Allata'alanu siagang tamamminrayai pa'mai'nu anggaukangi sikontu parenta kupassareanga mae ri kau anne alloa, laNapa'jariko Batara bansa masahoro' ri anne linoa.