1 PATTOTTORANG 13:12 - KITTA' MATANGKASA'

¹² Mingka malla' tongi Daud ri Allata'ala na nakana, “Kamma-kammanne antekammami lakkulle kuerang anjo Patti Parjanjianga?”

1 PATTOTTORANG 13:12 ပူးပေါင်းရင်းမြစ်များ

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

1 PATTOTTORANG 13:13

Lanri kammana tanjariami naerang Daud anjo Pattia mange ri Yerusalem. Mingka naboli'mi ri balla'na Obed-Edom, tu Gat.

1 PATTOTTORANG 21:30

Mingka tenamo nabarani Daud mange anjoreng untu' a'bicara siagang Allata'ala, lanri mallaki ri pa'dang malaeka'Na Batara.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

MATIUS 25:24

Battu tommi anjo palayang annarimaya sisa'bu doe' ringgi' bulaeng. Nakanamo ri karaenga, ‘O karaeng, kuassengki' angkanaya ikatte tau sekkekki'. Angngalleki' rappo-rappoang battu ri poko'-poko' takilamunga; siagang angngalleki' wassele' ri tampa' tenaya naikatte allamungi bine.

1 SAMUEL 6:20

Nampa nakanamo panduduka ri Bet-Semes, “Inai akkulle attahang ri dallekanNa Batara, Allata'ala Matangkasaka? Kemaei akkulle niantara' anne Pattia sollanna bella battu ri katte?”