1 PATTOTTORANG 11:8 - KITTA' MATANGKASA'

⁸ Nabangung poleammi Daud anjo kotaya, appakkaramula ri tampa' nipakatinggia butta pannambungi ri bageang rayanganna bontoa; nampa napannarrusu' Yoab anjo pambangunanga sa'genna le'ba'.

1 PATTOTTORANG 11:8 ပူးပေါင်းရင်းမြစ်များ

1 KARAENG-KARAENG 11:27

Iaminne riwaya' angngewana Yerobeam. Ri wattu nitambunginna butta niaka ri bageang timboranna Balla'Na Batara, siagang nipakabaji' temboka,

1 KARAENG-KARAENG 9:15

Karaeng Salomo ammakei cara ammassa untu' ansuroi taua ambangungi Balla'Na Batara, balla' kakaraenganga, tembo'na Yerusalem, siagang untu' antambungi butta niaka ri bageang timboranna Balla'Na Karaeng Allata'ala. Kamma tomminjo carana untu' ambangungi ammotere' kota Hazor, Megido, siagang Gezer. (

1 PATTOTTORANG 11:9

Pila' mange allo pila' kassaki Daud, lanri nitulungi ri Batara Makoasaya.

NEHEMIA 4:2

Ri dallekanna agang-aganna ngaseng siagang tantara Samaria nakanamo, “Apa anjo nagaukang tu Yahudi cilakaya, tenaya apa-apa akkulle nagaukang? Apaka eroki ke'nanga ambangung poleangi anne kotaya? Maka nakana kapang ke'nanga akkullei le'ba' lalang siallo anjo jama-jamanga, lanri assarena bawang koro'bang ke'nanga? Maka akkullei anjo tambungang loro ammutunga le'ba' nakanre pepe' napa'jari batu-batu untu' anjo tembo' kallika?”

HAKING-HAKING 9:20

Mingka punna tena nakamma, poro assulu' laloi pepeka battu ri Abimelekh, na natunu ngaseng sa'genna la'busu' nakanre tau ammantanga ri Sikhem siagang Bet-Milo. Kammayatompa poro assulu' lalo tongi pepeka battu ri tau ammantanga ri Sikhem siagang Bet-Milo na nakanre sa'genna la'busu' Abimelekh.”

HAKING-HAKING 9:6

A'rappungammi sikontu tau ammantanga ri Sikhem siagang Bet-Milo. Nampa a'lampa ke'nanga mange ri poko' terpentin karamaka ri Sikhem. Anjoremmi niangka' Abimelekh ri ke'nanga a'jari karaeng.