1 PATTOTTORANG 11:5 - KITTA' MATANGKASA'

^5-7 Le'ba'mi nakanang tu Yebus mae ri Daud angkanaya tena olona lakkulle Daud ampantamakki anjo kotana ke'nanga. Mingka akkullemi narampasa' Daud benteng pattahanganna ke'nanga niarenga Sion. Anjo wattua le'ba'mi napa'la'bang napau Daud mae ri ana'-ana' buana angkanaya inai-inai kaminang riolo ammuno tu Yebus, ia lanipa'jari panglima. Jari lanri Yoab kaminang riolo ammuno tu Yebus, iami niangka' a'jari panglima (amma'na Yoab niarengi Zeruya). Le'ba'namo naalle benteng pattahanganna iamintu Sion, ammantammi Daud anjoreng. Iaminjo saba'na nappakkaramulamo niareng “Kota Daud” anjo benteng pattahanganga anjo wattua.

1 PATTOTTORANG 11:5 ပူးပေါင်းရင်းမြစ်များ

2 SAMUEL 6:10

Lanri kammana anjo taerokami pole angngerangi anjo Patti Parjanjianga mange ri Yerusalem, passangalinna naboli'mi ri balla'na Obed-Edom tu Gat.

2 SAMUEL 6:12

Nalangngereki Karaeng Daud angkanaya Nabarakkaki Batara kaluargana Obed-Edom siagang sikontu barang-baranna lanri anjo Patti Parjanjianga. Jari a'lampami mange ri balla'na Obed-Edom angngallei anjo Pattia untu' napalette' mange ri Yerusalem siagang nasuarri lompoi.

1 KARAENG-KARAENG 8:1

Le'baki anjo nasuromi Karaeng Salomo sikontu pamimping sukua siagang pa'rappungang bijaya battu ri bansa Israel battu mae ri ia ri Yerusalem, untu' ampaletteki Patti ParjanjianNa Batara battu ri Sion, Kota Daud, mange ri Balla'Na Batara.

1 PATTOTTORANG 11:4

Ri se'reang wattu a'lampami Daud siagang sikontu tantarana Israel mange ambunduki kota Yerusalem. Anjo wattua anjo kotaya niarengi kota Yebus, siagang nipammantangi ri tu Yebus, pandudu' aslina anjo kotaya.

2 PATTOTTORANG 5:2

Le'baki anjo nasuromi Karaeng Salomo sikontu pamimping sukua siagang lokoang bija-bijanna bansa Israel a'rappung ri Yerusalem untu' ampaletteki Patti ParjanjianNa Batara battu ri Sion, Kota Daud, mange ri Balla'Na Batara.

PAMMUJI 122:5

Anrinnimi sikamma karaeng turunganna Daud angngadeli ra'ya'na.

PAMMUJI 132:13

Saba' le'ba'mi Napile Batara Sion; Naerokangi untu' a'jari tampa' pammantanganNa.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 48:2

Tojeng, malompoi Batara siagang sanna' nipujina ri kota Allata'alata, ri bulu' matangkasaka.

PAMMUJI 78:68

Mingka Napilei suku Yehuda, siagang Bulu' Sion Nangaia.

PAMMUJI 87:2

Battu ri sikontu kota ri Israel Yerusalem kaminang Nakamaseang.

PAMMUJI 87:5

Mae ri Sion lanakana taua, angkana sikontu bansa a'jari taunna, lanipakajarreki ri Kaminang Tinggia.

PAMMUJI 9:11

Tau mangngassenga ri Katte manrannuangi ri Katte, o Batara, tu manynyombaya ri Katte tena naKibokoi.

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.

PAPPICINI' 14:1

Nampa kuciniki, nakucini'mo anjo Ana' Gimbalaka ammenteng rate ri Bulu' Sion. Nia' Naagang tau 144.000 jaina, niaka ngaseng ri tompo' kanynyinna ke'nanga tattulisi' arenNa siagang arenNa ManggeNa.

HAKING-HAKING 19:10

Mingka taerokami anjo tu Lewia a'bangngi anjoreng. A'lampami siagang baine piarana kammayatompa surona siagang ruang kayu keledai teke'na. Ri wattunna lasa'ra'mo alloa, anrapi'mi ke'nanga mange ri ampi'na Yebus (iamintu Yerusalem). Nampa nakanamo anjo suroa mae ri karaenna, “Karaeng, umba kissengkamo nakia'bangngi anrinni ri kotana tu Yebus.”

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.