1 PATTOTTORANG 11:4 - KITTA' MATANGKASA'

⁴ Ri se'reang wattu a'lampami Daud siagang sikontu tantarana Israel mange ambunduki kota Yerusalem. Anjo wattua anjo kotaya niarengi kota Yebus, siagang nipammantangi ri tu Yebus, pandudu' aslina anjo kotaya.

1 PATTOTTORANG 11:4 ပူးပေါင်းရင်းမြစ်များ

PA'JARIANG 10:16

Iatommi anne Kanaan a'jari boe-boena bansa Yebusi, Amori, Girgasi,

PA'JARIANG 15:21

Amori, Kanaan, Girgasi, siagang Yebus.”

1 PATTOTTORANG 11:5

Le'ba'mi nakanang tu Yebus mae ri Daud angkanaya tena olona lakkulle Daud ampantamakki anjo kotana ke'nanga. Mingka akkullemi narampasa' Daud benteng pattahanganna ke'nanga niarenga Sion. Anjo wattua le'ba'mi napa'la'bang napau Daud mae ri ana'-ana' buana angkanaya inai-inai kaminang riolo ammuno tu Yebus, ia lanipa'jari panglima. Jari lanri Yoab kaminang riolo ammuno tu Yebus, iami niangka' a'jari panglima (amma'na Yoab niarengi Zeruya). Le'ba'namo naalle benteng pattahanganna iamintu Sion, ammantammi Daud anjoreng. Iaminjo saba'na nappakkaramulamo niareng “Kota Daud” anjo benteng pattahanganga anjo wattua.

KALAPPASSANG 3:17

Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

YOSUA 15:63

Kota Yerusalem antama tongi kotana Yehuda, mingka takkulleai tu Yehuda nabongka tu Yebus niaka ammantang anjoreng. Sa'genna kamma-kamma anne tuli nia' iji tu Yebus sipammantangngang siagang tu Yehuda ri anjo kotaya.

YOSUA 15:8

nampa nai' allalo ri Ka'bung Hinom a'lampa timboro' ri buluka, ri napammantangngia Yerusalem, kota tu Yebus. Battu anjoreng ri garisi' pa'baeng-baenga a'lampa mange ri coppo'na anjo buluka ri laukanna Ka'bung Hinom, ri cappa' wara'na Ka'bung Refaim,

HAKING-HAKING 1:21

Na suku Benyamin takkulleai nabongka tu Yebuska assulu' battu ri kota Yerusalem. Iaminjo saba'na natuli sipammantangang tu Yebus siagang tu Benyamin.