1 PATTOTTORANG 11:3 - KITTA' MATANGKASA'

³ Jari appare'mi parjanjiang Daud siagang anjo pamimping-pamimpinna Israel. Nampa nalanti'mo ke'nanga Daud a'jari karaenna Israel sangkamma le'baka Napa'janjiang Batara tete ri Samuel.

1 PATTOTTORANG 11:3 ပူးပေါင်းရင်းမြစ်များ

2 SAMUEL 2:4

Nampa battumo tu Yehuda mange ri Hebron, na nalanti' Daud a'jari karaeng mae ri tu Yehuda. Nalangngere'na Daud angkanaya le'ba'mi nitarawang maya'na Saul ri tu Yabesh ri Gilead,

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

2 SAMUEL 5:5

Tuju sitangnga taung ammarenta ri Hebron mae ri Yehuda, siagang tallumpulo antallu taung ammarenta ri Yerusalem mae ri sikontu Israel siagang Yehuda.

2 KARAENG-KARAENG 11:17

Nasuroi Imang Yoyada Karaeng Yoas siagang ra'yaka appare' parjanjiang siagang Batara angkanaya la'jari ke'nanga Umma'Na Batara. Nasuro tongi karaenga appare' parjanjiang siagang ra'yaka.

1 PATTOTTORANG 11:10

Iaminne areng-arenna sikamma perwira-perwira tantarana Daud, ia masahoroka. A'rurung siagang sikontu ra'ya' Israel a'bundu'mi ke'nanga sollanna a'jari Karaeng Daud sangkamma apa le'baka Napa'janjiang Batara. Na tuli napakajarre'na ke'nanga pamarentahanna Daud.

2 PATTOTTORANG 23:3

A'rappummi ke'nanga ri Balla'Na Batara, siagang appare'mi parjanjiang siagang Yoas, anjo ana' bura'nena karaenga. Nakana Yoyada ri ke'nanga, “Iaminne ana' bura'nena tumate Karaenga Ahazia! Kamma-kamma anne musti naiki a'jari karaeng, nasaba' le'ba'mi a'janji Batara angkanaya jari-jarina Karaeng Daud latulusu' ammarenta.

HAKING-HAKING 11:11

Jari a'lampami Yefta siagang pamimping-pamimpinna Gilead. Nampa niangka'mo ri ke'nanga a'jari pamarenta siagang pamimping. Na ri dallekanNa Batara ri Mizpa, napaumi Yefta sikamma apa nakaerokia mae tuniaka ri Gilead.

1 SAMUEL 11:15

Jari a'lampa ngasemmi ke'nanga mange ri Gilgal. Nampa nipa'jari resmimo Saul a'jari karaeng anjoreng ri tampa' passambayanganga. Assaremi ke'nanga koro'bang pappasiama'; na nasuarrimo Saul siagang sikontu bansa Israel anjo pa'gaukanga.

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

1 SAMUEL 16:3

Undang tongi Isai mange ri anjo pa'gaukang koro'banga. Sallang laKupauangko apa musti nugaukang. Tau Kujo'jokangako, musti numinynyaki na nuangka' a'jari karaeng.”

1 SAMUEL 23:18

Nampa appare'mo Daud siagang Yonatan parjanjiang passari'battangang ri dallekanNa Batara. Le'baki anjo ammotere'mi Yonatan ri balla'na, na Daud ammantangiji ri Hores.

1 SAMUEL 28:17

Nagaukammi Batara sangkamma apa le'baka Napau tete ri nakke. Naallemi Batara kakaraenganna Israel battu ri kau nampa Napassareang mae ri Daud.