1 KORINTUS 9:8 - KITTA' MATANGKASA'

⁸ Teai lanri battu ri pangalamang katallassang allo-alloa bawang anne kupabattua mae ri kau; passangalinna lanri kammatommi anjo nipaua lalang ri Kittaka.

1 KORINTUS 9:8 ပူးပေါင်းရင်းမြစ်များ

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

ROMA 3:5

Mingka punna pila' a'nyatamo kaadelanNa Allata'ala, lanri nigaukanna apa-apa tenaya nannaba, apami lanikana? Angkanaya tena Naadele' Allata'ala punna Nahukkungki'? (Memang siratangi anne pakkuta'nang kammaya situru' pikkirang linota.)

ROMA 6:19

Nasaba' sukkara' sikali nupahang, ammakema' pangngebarang mae ri nikanaya a'jari ata sollanna gampang nupahang. Riolo nupassareangi sikontu batangkalennu a'jari ata mae ri apa-apa ra'masaka siagang panggaukang ja'dalaka untu' kaja'dallanga. Kamma tomminjo ri kamma-kammaya anne, musti nupassareangi sikontu batangkalennu a'jari ata mae ri ero'Na Allata'ala, untu' anggaukangi ero'Na bawang Allata'ala.

1 KORINTUS 14:34

musti a'mereki tu bai'-bainea punna a'rappungangi jama'aka. Tanikellaiyai ke'nanga a'bicara. Takkulleai ke'nanga a'jari pamimping; kammaminjo ero'na hukkung agamaya.

1 KORINTUS 7:40

Mingka la'bi upakangangi punna tenamo na'bunting poleang. Anne panggappaku tonji; mingka ri pakkasiakku, lanri koasa RohNa Allata'ala nakupau anne sikammaya.

GALATIA 1:11

Musti nuassengi angkanaya anjo Kabara' Baji' kubirittakanga, teai kabara' battu ri rupataua.

1 TESALONIKA 2:13

Nia' pole maraengannaya a'jari saba' natuli appala' sukkuru' ikambe mae ri Allata'ala. Iamintu, angkanaya ri wattunna napabattu ikambe anjo biritta battua ri Allata'ala, nupilangngeri siagang nutarimai anjo birittaya, teai salaku biritta battu ri rupataua, passangalinna salaku biritta battu ri Allata'ala. KalenNa Allata'ala anggaukangi anjo jama-jamanga lalang ri kalennu, ia matappaka mae ri Almasi.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.