1 KORINTUS 9:5 - KITTA' MATANGKASA'

⁵ Maka tena nakusiratang angngerang sitau baine tu ri ballakku lalang lampaku, sangkamma nagaukanga sari'battanNa ngaseng Batara Isa, siagang tunisuroNa Allata'ala maraenganga, kammaya Petrus?

1 KORINTUS 9:5 ပူးပေါင်းရင်းမြစ်များ

KELONG MALA'BIRI' 4:12

Tanringku rapangi koko nikalli' tembo' koko nikalli' tembo', timbuseng je'ne' nitongko'.

MATIUS 13:55

Sai ana'na tukang kayua anne Taua? Sai niarengi Maria amma'Na, siagang assari'battangi Yakobus, Yusuf, Simon na Yudas?

MATIUS 8:14

A'lampami Isa mange ri balla'na Petrus. Narapikammi matoang bainena Petrus garring rammusu' irate ri katinroanga.

MARKUS 1:30

Anjo wattua sitabangi garring rammusu' matoang bainena Simon ri katinroanga. Jari nipauammi Isa ri wattunna antama' ri balla' siagang ana'-ana' gurunNa.

MARKUS 6:3

Sai anne taua tukang kayu, ana'na Maria, sari'battanna Yakobus, Yoses, Yudas, siagang Simon? Ba, manna sari'battanNa bainea anrinni ngasengi ammantang.” Lanri kammana, teami ke'nanga antarimai Isa.

LUKAS 6:15

Matius siagang Tomas, Yakobus ana'na Alfeus, na Simon (nigallaraki Patriot),

LUKAS 8:20

Nia'mo sitau angkana mae ri Isa, nakana, “Pa', niaki ammatTa siagang sari'battanTa pantarang. Eroki ke'nanga angngagangKi' sicini'.”

YOHANES 1:42

Nirurungammi Simon ri Andreas mae ri Isa. Nijanjammi Simon ri Isa, nampa akkuta'nang Isa angkana, “Ikau Simon, ana'na Yona. Lanigallarakko Kefas.” (Kefas sangkammai battuanna siagang Petrus, iamintu: bulu' batu.)

YOHANES 2:12

Le'baki anjo, a'lampami Isa mange ri Kapernaum. Sipa'rurungang ngasengi a'lampa amma'Na, sikamma sari'battanNa, kammayatompa ana'-ana' gurunNa. Ammantammi ke'nanga anjoreng siapa are allonna.

LAMPA-LAMPANA 1:14

Tuli a'julu atimi a'rappungang ke'nanga untu' appala' doang siagang bai'-bainea, siagang Maria amma'Naya Isa, kammayatompa sikamma sari'battanNa ngaseng Isa.

ROMA 16:1

Eroki kupappiassengang ri kau ngaseng, sari'battang baineta, iamintu Febe. Iami ambantui jama'aka ri Kengkrea.

1 KORINTUS 1:12

Natabaya kanangku iamintu nia' ri kau angkana, “Inakke amminawanga' ri Paulus,” nia' angkana, “Inakke amminawanga' ri Apolos,” nia' todong angkana, “Inakke amminawanga' ri Petrus,” kammayatompa nia' angkana, “Inakke amminawanga' ri Almasi.”

1 KORINTUS 7:15

Mingka punna nabokoi anjo taua bainenna yareka bura'nenna Karistengamo, teako tahangi. Laluasako ri anne passalaka, nasaba' Nakellai Allata'ala sollannu tasisala-salaya lalang ri katallassannu.

1 KORINTUS 7:39

Inai-nai baine le'ba' a'bunting, tassikkoki anjo bainea mae ri bura'nenna lalang attallasa'na anjo bura'nenna. Punna matemo anjo bura'nenna, ta'lappasa'mi anjo bainea. Akkullemi a'bunting poleang siagang bura'ne nakaerokia, assala' a'bunting cara tu Karistengi.

1 KORINTUS 7:7

Sikontutojenna la'bi kungaiangangi punna a'jari sangkamma ngasengi inakke taua. Mingka massing le'ba' ngasemmi taua anggappa passare battu ri Allata'ala. Nia' tau anggappa passare kamma anne, nia' anggappa passare kamma anjo.

1 KORINTUS 7:8

Iaminne pappakaingakku mae ri tau tenayapa na'bunting siagang tau jandayamo: Bajikangangi punna akkale-kale tuli mako sangkamma inakke.

GALATIA 1:19

Tena nakusigappa siagang sikamma suro maraenganga, pantaranganna Yakobus, sari'battanNaya Batara.

1 TIMOTIUS 3:2

Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;

1 TIMOTIUS 4:3

Napangngajarrangi sollanna ta'buntinga taua; siagang jai apa-apa tanapa'bianga nikanre. Na sikontutojenna anjo kanre-kanreanga Allata'ala ampa'niaki. Yangasenna anjo Nakellai Allata'ala sollanna nikanre siagang sukkuru' ri sikamma tau tappakamo mae ri Almasi siagang tau naassengamo pangajarang katojengang battua ri Allata'ala.

1 TIMOTIUS 5:2

siagang bai'-baine toaya pasangkammai amma'nu. Ia tuloloa pasangkammai andi' tojeng-tojennu.

TITUS 1:6

Se'rea pamimping jama'ah parallui tau tenaya callanna; musti sitauji bainenna; ana'-ana'na musti tappa'mi ri Almasi, siagang teai ana'-ana' bambala' yareka tenaya nakkulle niatoro'.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.