1 KORINTUS 9:4 - KITTA' MATANGKASA'

⁴ Maka tena nakusiratang anggappa kanre siagang je'ne' inung lanri jama-jamangku?

1 KORINTUS 9:4 ပူးပေါင်းရင်းမြစ်များ

KAIMANGNGANG 22:7

Punna labumo alloa a'jari tangkasa'mi siagang akkullemi nakanre, lanri iaminjo kanrena.

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

LUKAS 10:7

Ammantang mako ri se'reang balla'. Tarimami apa napassareanga patanna balla' ri kau, nasaba' sikamma tau anjamaya musti natarimai wassele' jama-jamanna. Teako a'lette'-letteki battu ri se'reang balla' mange ri balla' maraenga.

LAMPA-LAMPANA 20:33

Manna sitau tania' le'ba' kupattayangi doe' yareka care-care.

1 KORINTUS 9:3

Punna nia' tau ancalla', iaminne pappialingku:

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

1 TESALONIKA 2:6

Teai todong lanri ero'na ikambe nipalece ri taua, baji' nabattu ri kau yareka battu ri tau maraenga. Sikontutojenna salaku tunisuroNa Almasi, akkullei ikambe annuntu' apa-apa mae ri kau.

1 TESALONIKA 2:9

Tantu nuu'rangi ngasengiji antekamma terasa'na usaha siagang barjuang ikambe. Allo bangngi anjama ikambe sollanna tena manna sitau ri kau nisusai ri kambe, ri wattunna napa'la'bang ikambe anjo Kabara' Baji' battua ri Allata'ala mae ri kau.