1 KORINTUS 9:24 - KITTA' MATANGKASA'

²⁴ Tantu nuasseng ngasenji angkanaya punna appa'lumba taua, para lari ngasengi anjo tau appa'lumbaya; mingka se'reji langgappa hadia. Lanri kammana, usahakammi antekamma batenu lari sollanna nugappa anjo hadiaya.

1 KORINTUS 9:24 ပူးပေါင်းရင်းမြစ်များ

PAMMUJI 19:5

Mingka pakkio'Na kalangngerangi ri sikontu linoa, pappasanNa ta'rapiki sa'genna cappa'-cappa'na buttaya. Appareki Batara balla' ri langi' untu' mataalloa.

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

YEREMIA 12:5

Nakana Batara, “Yeremia, punna mangngangko appa'lumba siagang rupataua, antekamma olonu lakkulle appa'lumba siagang jaranga? Punna mallakko ri butta amanga, apa lanugaukang punna niakko lalang ri romang akkatintinga ri birinna Binanga Yordan.

HOSEA 12:10

Mingka iNakke, Karaeng Allata'alanu, le'baka angngerang ngasengko assulu' battu ri Mesir, laKupammantangko pole ri kema-kemaya sangkamma riolo, ri wattungKu battu mae ri kau ri parang lompoa.

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

1 KORINTUS 9:13

Tantu nuassemmi angkanaya inai-nai anjama lalang ri Balla'Na Allata'ala, battu anjoremmi ri Balla'Na Allata'ala anggappa kanre ke'nanga. Siagang inai-nai angngurusuki tampa' pakkoro'bangnganga, anggappa tongi bageang battu ri anjo koro'bang nipassareanga anjoreng.

1 KORINTUS 9:23

Iaji nakugaukang ngaseng sikammaya anjo, sollanna akkulle kupa'la'bang Kabara' Baji' battua ri Allata'ala, kammayatompa sollanna kunibarakkaki todong.

1 KORINTUS 9:26

Lanri kammanami anjo nakulari mae ri tampa' attantua tujunna. Alarapanna punna attandinga' a'bossere', tena nasambarang bateku anja'guru'.

GALATIA 2:2

A'lampa' mange ri Yerusalem, nasaba' le'baka' Nasare pappiso'na Allata'ala, angkanaya musti a'lampa'. Na lalang se're passirapakkang siagang pamimping-pamimpinga anjoreng, kupakasingariammi ke'nanga anjo Kabara' Baji' le'baka kupabattu mae ri bansa-bansa maraenga. Nasaba' tena nakuero' punna a'jari sia-sia anjo usahaku riolo siagang ri kamma-kammaya anne.

GALATIA 5:7

Riolo attojeng-tojeng mako anggaukang bajiki jama-jamannu! Mingka kamma-kamma anne, angngapa natenamo numannuruki mae ri ero'Na Allata'ala? Inai le'ba' anynyonyo' salako?

FILIPI 3:12

Mingka tena nakuangkana kugappami wasseleka, yareka a'jari sukku'ma'. Passangalinna tulusu' kuusahai sollanna akkulle kugappa hadia Napasadiaya Isa Almasi. Iaminjo saba'na naNaallea' nampa Napa'jaria' taunNa.

FILIPI 3:14

Lanri kammanami anjo nakulari tulusu'mo mae ri dallekang, mange ri tampa' kala'busang nitujua, sollangku akkulle ammeta, iamintu kugappai katallassanga ri suruga; untu' iaminjo naNakiokki' Allata'ala tete ri Isa Almasi.

KOLOSE 2:18

Teako pa'biangi kalennu nipakarugi ri tau assara-saraia napakatuna kalenna siagang anynyombaya malaeka'-malaeka'. Anjo tau kammaya tampoi ri pikkirang-pikkirang pakkalinoanga siagang napa'borro-borroangi apa tasamara' le'baka nacini' ke'nanga;

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

PAPPICINI' 3:11

LalintakKa' battu! Jagai baji'-baji' apa niaka ri kau ngaseng, sollanna tena tau maraeng akkulle angngalleangko anjo hadia nubetaya.