1 KORINTUS 9:18 - KITTA' MATANGKASA'

¹⁸ Jari punna kamma apa passawallangku? Iaminne passawallangku: angkanaya akkullei kubirittakang anjo Kabara' Bajika, natena manna sitau kubattali untu' angngongkosia', lanri tenana nakutuntuki anjo ha' siratanga ri nakke salaku tau ambirittakangai anjo Kabara' Bajika.

1 KORINTUS 9:18 ပူးပေါင်းရင်းမြစ်များ

YOHANES 4:36

Appakkaramulami natarima gajina tau akkattoa siagang appasse're wassele' untu' katallassang satunggu-tunggua. Jari tau appakioroka siagang tau akkattoa akkullei sipa'rannu-rannuang.

LAMPA-LAMPANA 18:3

Ammantammi Paulus anjoreng siagang ke'nanga, siagang anjamami siagang ke'nanga. Nasaba' a'julu pa'boya-boyangi Paulus siagang ke'nanga, iamintu appareka balla'-balla' niarenga kema.

ROMA 14:15

Mingka punna passala' anjo apa nukanrea napa'risi pa'mai' sari'battang julu tappa'nu, tenamo namangngamaseang batenu appanggaukang. Punna le'ba'mo mate Almasi untu' anjo taua, teako balang parekangi a'jari panra' anjo taua passabakkang apa-apa nukanrea.

1 KORINTUS 10:33

Pasangkammami bateku attallasa' batenu todong attallasa'. Inakke kuusahakangi sollanna sannang ngaseng taua mae ri nakke; mingka teai lanri nia'na kaparalluang kalengku kuboya. Iaji kuboya iamintu sollanna nipasalama' ngaseng ke'nanga.

1 KORINTUS 3:8

anjo ruaya sangkammai. Massing lanatarimai pahalana situru' pakkaresoanna.

1 KORINTUS 7:31

siagang inai-nai jai urusanna ri passala'na pakkalinoanga, sanrapangi tau tenaya najampangi anjo passalaka. Nasaba' tasalloami anne linoa niaka nicini' ri kamma-kammaya anne lalanynya' ngasengi.

1 KORINTUS 8:9

Mingka tutuko! Gassingka passabakkang sangka' rupana nugaukang na'jari doraka todong tau maraenga, lanri tenanapa najarre' tappa'na ke'nanga.

1 KORINTUS 9:12

Punna nia' ha'na tau maraenga amminasai anne battu ri kau ngaseng, maka tena nala'bi niakkangang ha'na ikambe na ke'nanga? Mingka inakke tenapa nakupakei anjo ha' kammaya. Nasaba' la'bi kungaiangangi kalengku antanggong ngasengi anjo sikammaya naia appa'niaka kasukkarang, akkullea anghalangi pa'la'banganna Kabara' Bajika ri passala'na Almasi.

1 KORINTUS 9:15

Mingka manna nakamma, inakke tenale'bakapi kupake manna sirupa anjo ha' kammaya. Siagang punna kutulisi' anne suraka mae ri kau ngaseng, teai lanri erokku sollanna nupassareang anjo sikammaya sumpaeng mae ri nakke. Nasaba' erokanganga' matea naia tappelaka sirikku lanri passabakkang kammaya anjo sumpaeng.

1 KORINTUS 9:17

Ebara' angkana battu ri ero' kalengku nakugaukang anjo jama-jamanga, akkulle memanga' attayang gaji. Mingka iaji nakubirittakang anjo Kabara' Bajika lanri nisuro memang tonga'. Allata'ala assarea' tugasa' anggaukangi anjo jamanga.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

1 TESALONIKA 2:6

Teai todong lanri ero'na ikambe nipalece ri taua, baji' nabattu ri kau yareka battu ri tau maraenga. Sikontutojenna salaku tunisuroNa Almasi, akkullei ikambe annuntu' apa-apa mae ri kau.