1 KORINTUS 9:17 - KITTA' MATANGKASA'

¹⁷ Ebara' angkana battu ri ero' kalengku nakugaukang anjo jama-jamanga, akkulle memanga' attayang gaji. Mingka iaji nakubirittakang anjo Kabara' Bajika lanri nisuro memang tonga'. Allata'ala assarea' tugasa' anggaukangi anjo jamanga.

1 KORINTUS 9:17 ပူးပေါင်းရင်းမြစ်များ

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 PATTOTTORANG 29:14

Inakke siagang anne ra'yakku sikontutojenna tena pakkullena assare apa-apa mae ri Katte, lanri yangasenna passareTa tonji. Na anne apa napassareanga ikambe iKatte tonji pata.

1 PATTOTTORANG 29:9

Ra'yaka rella tommi atinna assare ri Batara siagang rannumi pa'mai'na ke'nanga lanri jaina apa akkulle napassareang ke'nanga. Sanna' tommi rannuna pa'mai'na Karaeng Daud.

NEHEMIA 11:2

Battu ri sikamma ke'nanga nia'mo rella kalenna untu' ammantang tuli ri Yerusalem, na nipujimo ke'nanga ri ra'yaka.

YESAYA 6:8

Nampa nia' kulangngere' sa'ranNa Batara angkana, “Inai laKusuro? Inai lampabattui kabaratta?” Appialima' angkana, “Anne niakka'. Kisuroma'!”

YEREMIA 20:9

Mingka punna lalang atingku kukana, “Boli'mi kamma kukaluppai Batara, teama' a'bicara lalang arenNa,” rapammi pepe' pasanNa a'bara ilalang ri ati mailalangku. Le'baki kucoba amparrangngi, mingka ma'nassa tena nakukullei.

YEHEZKIEL 3:14

KakoasanNa Batara battu mae ri nakke sanna' heba'na, siagang ri wattungku Niangka' siagang Nierang ri RohNa, atingku sanna' pai'na siagang bambanna kusa'ring.

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

MATIUS 10:41

Inai-nai antarimai na'bia kalanri na'bina anjo taua lanatarimai sallang pahalana na'bia. Na inai-nai antarimai tau bajika kalanri baji'na anjo taua, lanatarimai sallang pahalana tau bajika.

MATIUS 24:25

Jari, u'rangi memangi! Kupauang mako anne la'bi riolo ri tenanapa nakajariang.

LUKAS 12:42

Appialimi Isa Nakana, “Inai palayang tuli baji' siagang cara'de' sa'genna niangka' ri karaenna a'jari kapala mae ri palayang-palayang maraenga, sollanna nasare kanre ke'nanga punna narapi' wattunna?

YOHANES 4:36

Appakkaramulami natarima gajina tau akkattoa siagang appasse're wassele' untu' katallassang satunggu-tunggua. Jari tau appakioroka siagang tau akkattoa akkullei sipa'rannu-rannuang.

1 KORINTUS 3:14

Punna parrang ri pepe' anjo bangunang nibangunga irateanna anjo pondasia, lannarimami hadia anjo tau ambangunga.

1 KORINTUS 3:8

anjo ruaya sangkammai. Massing lanatarimai pahalana situru' pakkaresoanna.

1 KORINTUS 4:1

Alle rapammi angkanaya ikambe anne palayang-palayanNaki' Almasi; ikambemi nisare tugasa' ambirittakangi sikamma rancanaNa Allata'ala, tenayapa naassengi anne linoa.

1 KORINTUS 9:16

Nasaba' takkullea' ampakatinggi pa'maikku punna passabakkang iaja anjo kubirittakanna Kabara' Baji' battua ri Allata'ala; nasaba' Allata'ala assuroa' anggaukangi anjo jama-jamanga. Cilakama' kusa'ring punna tena nakubirittakangi anjo Kabara' Bajika!

1 KORINTUS 9:18

Jari punna kamma apa passawallangku? Iaminne passawallangku: angkanaya akkullei kubirittakang anjo Kabara' Bajika, natena manna sitau kubattali untu' angngongkosia', lanri tenana nakutuntuki anjo ha' siratanga ri nakke salaku tau ambirittakangai anjo Kabara' Bajika.

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.

GALATIA 2:7

Ba'lalo anjo nicini' tu nipakala'birika namangakuimi angkana Allata'ala assuroa' ambirittakangi anjo Kabara' Bajika mae ri bansa-bansa maraenga. Sangkamma todong Iami assuroi Petrus ambirittakangi anjo Kabara' Bajika mae ri bansa Yahudia.

KOLOSE 1:25

Nasuroma' Allata'ala a'jari palayang mae ri jama'aNa untu' kaparalluannu. Musti kupabattu ngasengi biritta battua ri Allata'ala;

1 TESALONIKA 2:4

Teai kammaya anjo! Tena na'bicara ikambe lanri ero'na napakasannang nyawana taua, passangalinna lanri ero'na ikambe ampakasannangi atinNa Allata'ala, angngassengai atinna ikambe. Nasaba' Iami assarei pangngellai ikambe untu' ampa'la'bangi anjo Kabara' Bajika.

FILEMON 1:14

Mingka tena kuero' anggaukangi anjo kammaya punna tenapa nanusitujui rolong. La'bi kungaiangangi punna kalennu todong rella anggaukangi anjo kammaya; tena nakuero' ampassako.