1 KORINTUS 9:14 - KITTA' MATANGKASA'

¹⁴ Kammatommi anjo, le'ba'mi Napattantu Batara angkanaya inai-nai ambirittakangi anjo Kabara' Bajika, musti nisarei kaparalluang katallassanna lanri anjo biritta napa'la'banga.

1 KORINTUS 9:14 ပူးပေါင်းရင်းမြစ်များ

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

LUKAS 10:7

Ammantang mako ri se'reang balla'. Tarimami apa napassareanga patanna balla' ri kau, nasaba' sikamma tau anjamaya musti natarimai wassele' jama-jamanna. Teako a'lette'-letteki battu ri se'reang balla' mange ri balla' maraenga.

LUKAS 10:8

Punna battuko mange ri se'reang kota, na nitarima bajikko anjoreng, kanremi apa nisareangako.

LAMPA-LAMPANA 18:3

Ammantammi Paulus anjoreng siagang ke'nanga, siagang anjamami siagang ke'nanga. Nasaba' a'julu pa'boya-boyangi Paulus siagang ke'nanga, iamintu appareka balla'-balla' niarenga kema.

1 KORINTUS 4:15

Nasaba' inakkemi a'jari manggenu ngaseng, manna pole ebara' angkana nia'mo sampulo sa'bu gurunnu. Lalang attallasa'numo a'jari se're siagang Almasi inakkeji bawang a'jari manggenu, nasaba' inakke ampabattui anjo Kabara' Baji' battua ri Isa Almasi mae ri kau.

1 KORINTUS 9:11

Jari ikambe anne le'ba' maki' sanrapang appakioro' bine rohani ilalang ri katallassannu ngaseng. Na punna anggappa ikambe barakka' pa'barang-barangang battua ri kau ngaseng, maka nukana jai dudumi natuntu' ikambe battu ri kau ngaseng?

1 KORINTUS 9:12

Punna nia' ha'na tau maraenga amminasai anne battu ri kau ngaseng, maka tena nala'bi niakkangang ha'na ikambe na ke'nanga? Mingka inakke tenapa nakupakei anjo ha' kammaya. Nasaba' la'bi kungaiangangi kalengku antanggong ngasengi anjo sikammaya naia appa'niaka kasukkarang, akkullea anghalangi pa'la'banganna Kabara' Bajika ri passala'na Almasi.

1 KORINTUS 9:16

Nasaba' takkullea' ampakatinggi pa'maikku punna passabakkang iaja anjo kubirittakanna Kabara' Baji' battua ri Allata'ala; nasaba' Allata'ala assuroa' anggaukangi anjo jama-jamanga. Cilakama' kusa'ring punna tena nakubirittakangi anjo Kabara' Bajika!

1 KORINTUS 9:4

Maka tena nakusiratang anggappa kanre siagang je'ne' inung lanri jama-jamangku?

2 KORINTUS 2:12

Ri wattungku battu mange ri Troas ero' ambirittakangi Kabara' Baji' ri passala'na Almasi, Nasungkeamma' oloang Batara anggaukangi anjo jama-jamanga anjoreng.

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

1 TESALONIKA 1:5

Nasaba' teai lalang kana-kana bawang batena ikambe ampabattui anne Kabara' Bajika, mingka lalang koasaNai siagang lalang RohNa Allata'ala, siagang lanri matappa'na ikambe ri katojenganna anjo Kabara' Bajika. Ri wattunna nia' ikambe ri tangnga-tangnganu, nuassemmi antekamma batena attallasa' ikambe untu' kabajikannu.