1 KORINTUS 9:13 - KITTA' MATANGKASA'

¹³ Tantu nuassemmi angkanaya inai-nai anjama lalang ri Balla'Na Allata'ala, battu anjoremmi ri Balla'Na Allata'ala anggappa kanre ke'nanga. Siagang inai-nai angngurusuki tampa' pakkoro'bangnganga, anggappa tongi bageang battu ri anjo koro'bang nipassareanga anjoreng.

1 KORINTUS 9:13 ပူးပေါင်းရင်းမြစ်များ

KAIMANGNGANG 21:22

Mingka akkullei nakanre kanre nipassareanga, baji' koro'bang kanre-kanreang matangkasaka kammayatompa koro'bang kanre-kanreang sannaka matangkasa'na.

KAIMANGNGANG 22:7

Punna labumo alloa a'jari tangkasa'mi siagang akkullemi nakanre, lanri iaminjo kanrena.

KAIMANGNGANG 6:26

Imang ampassareangai anjo koro'banga musti nakanrei anjo koro'banga ri tampa' le'baka nipattantu untu' anjo, iamintu ri paranglakkenna KemaNa Batara.

KAIMANGNGANG 7:31

Imanga musti natunui jannana anjo olo'-oloka irate ri tampa' pakkoro'bangnganga, mingka barambanna iami bageanna sikamma imanga.

PAMMILANGNGANG 18:31

Anjo tassesaya akkullei nukanre ri kere-keremae siagang kaluarganu, salaku sawala'nu ri jama-jamanga lalang ri KemaNa Batara.

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

1 KORINTUS 10:18

Alle sai parhatikang tu Yahudia. Nakanrei ke'nanga anjo kanre nipassareanga mae ri barhalaya irate ri pammantangang koro'banga; jari a'jari se'remi ke'nanga siagang anjo tampa' koro'banga.

1 KORINTUS 9:24

Tantu nuasseng ngasenji angkanaya punna appa'lumba taua, para lari ngasengi anjo tau appa'lumbaya; mingka se'reji langgappa hadia. Lanri kammana, usahakammi antekamma batenu lari sollanna nugappa anjo hadiaya.

PAOLE 10:9

Lanri kammana minjo natena nanggappa butta suku Lewi sangkamma suku-suku maraenga. Nasaba' Batarami a'jari bageang warisi'na ke'nanga, sangkamma Napaua Karaeng Allata'alanu mae ri ke'nanga.)

1 SAMUEL 2:28

Battu ri sikontu suku niaka ri Israel, le'ba'mi Kupile kaluargana untu' ajari imangKu, untu' allayani ri tampa' pakkoro'bangnganga, attunu dupa, siagang ammake baju efod punna a'bicarai siagang iNakke. Siagang le'ba'mi Kusare ha' ke'nanga siagang turunganna untu' angngalle sipa'gang battu ri koro'bang nitunua ri tampa' pakkoro'bangnganga.