1 KORINTUS 8:5 - KITTA' MATANGKASA'

⁵ Memang jai todong apa-apa niareng rewata siagang karaeng; baji nairate ri langika kammayatompa ri tompo'na buttaya.

1 KORINTUS 8:5 ပူးပေါင်းရင်းမြစ်များ

YEREMIA 11:13

Jai sikali rewata-rewatana tu Yehuda, sangkamma jaina kota-kotana ke'nanga. Pandudu'na Yerusalem appaentengi tampa'-tampa' pakkorobangngang sangkamma jaina agang-agang ri kota Yerusalem untu' assare koro'bang mae ri Rewata Baal.

YEREMIA 2:11

Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

YEREMIA 2:28

Kemae ngaseng anjo barhala-barhala nupareka? Punna nia' kasukkarang, suromi anjo sikamma barhalaya ampasalamakko' punna akkullei! He Yehuda, anjo rewata-rewatanu sangkammai jaina kota-kotanu!

DANIEL 5:4

Lalang angnginunna ke'nanga, mammuji-mujimi ke'nanga ri rewata-rewata nipareka battu ri bulaeng, pera', tambaga, kayu siagang batu.

MATIUS 27:17

Jari wattunna a'rappungammo tau jaia, akkuta'nammi Pilatus ri ke'nanga nakana, “Kereanga nupala' lakulappassang? Isa Barabas yareka Isa nigallaraka Almasi?”

GALATIA 4:8

Riolo tanuassengai Allata'ala. Iaminjo saba'na nu'jari atamo mae ri koasa-koasa nikanaya allata'ala, mingka sikontutojenna teai Allata'ala tojeng-tojeng.

PAOLE 10:17

Karaeng Allata'alanu ri tompo'na sikontu rewataya siagang irateanganna sikontu kakoasanga. Iami Allata'ala mala'biri' siagang makoasaya, mustia nituruki ero'Na. TaNangaiyai angngalle sialia siagang tena todong Naero' annarima passare nipacoco'.

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.