1 KORINTUS 8:12 - KITTA' MATANGKASA'

¹² Na punna nugaukang kasalang kammaya anjo mae ri parannu tu Karisteng – iamintu tu Karisteng lammaya tappa'na – doraka mako mae ri Almasi.

1 KORINTUS 8:12 ပူးပေါင်းရင်းမြစ်များ

PA'JARIANG 20:9

Le'baki anjo nakio'mi Abimelekh anjo Abraham nampa nakuta'nang angkana, “Apa anne le'baka nugaukang mae ri kambe? Apa salangku mae ri kau, sa'genna nupamae anne balaya ri kalengku siagang ri kakaraengangku? Tena sikali nusiratang la'gau' kamma anjo mae ri nakke.

PA'JARIANG 42:22

Nakanamo Ruben, “Sai kukana memang riolo ri kau ngaseng angkana teako apa-apai anjo anaka. Mingka tea ngasengko appilangngeri. Nakamma-kamma anne nibalasa'mi mae ri katte kamateanna.”

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

MATIUS 18:21

Le'baki anjo mangemi Petrus akkuta'nang ri Isa angkana, “O Batara, punna sala sari'battangku ri nakke, pissiapai akkulle kupammopporang? Sa'genna pintuju?”

MATIUS 18:6

“Inai-nai a'jari saba' natenamo natappa' ri Nakke tau ca'di kammaya anne, bajikangangi punna nigentungi batu kallonna nampa nitallangngang naung ri tamparanga.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

MATIUS 25:45

Lappialimi anjo Karaenga Nakana, ‘Asseng laloi anne: ri wattunnu taeroka antulungi kalase'renna anne tau kaminang tunaya, lalang kammana minjo nutaeroka antulungA'.’

MARKUS 9:42

“Inai-nai a'jari passabakkang na'jari tenamo natappa' ri Nakke kalase'renna tau ca'di kammaya anne, bajikangangi punna nigentungi batu kallonna nampa nibuang naung ri tamparanga.

LUKAS 17:2

Bajikangangi punna nigentungi batu kallonna nampa nipela' antama' ri tamparanga anjo tau kammaya, kala la'jaria passabakkang na'gau' dosa kalase'renna sikamma anne tau ca'dia.

ROMA 14:20

Teako passabakkang apa-apa nikanre, nanupanraki apa-apa le'baka Napare' Allata'ala. Memang sikontu kanre-kanreanga hallala' ngasengi untu' nikanre; mingka punna passabakkang anjo apa nukanrea nadoraka taua, sala mako.

1 KORINTUS 12:12

Almasi sanrapang tubuna taua; anjo tubua se'reji, mingka jai anggotana. Sikontu anjo anggota tubua, manna najai, mingka a'jari se'rei ilalang ri tubua.

1 SAMUEL 2:25

Punna kasalang taua mae ri rupataua, akkullei nialleang ri Allata'ala. Mingka punna doraka taua mae ri Batara, inai akkulle antulungi?” Mingka tajampangiai ke'nanga anjo pappakainga'na Eli, manggena ke'nanga, nasaba' le'ba'mi Napattantu Batara untu' ambunoi ke'nanga.

1 SAMUEL 24:11

Ciniki Bapa'! Ciniki anne polonna jubata anne nata'galaka atanta. Sitojenna akkullei atanta ambunoki', mingka poro napolonji bawang sike'de' atanta anjo biring jubata. Jari a'nassami angkanaya tena pikkirang ja'dala'na yareka dorakana atanta mae ri katte. Kiondang mange-mangei atanta lanri erotta ambunoi, manna natena kasalanna atanta mae ri katte manna sike'de' dudu.