1 KORINTUS 7:9 - KITTA' MATANGKASA'

⁹ Mingka punna tanukulleai amparrangngi napasunu, bajikangang a'buntingko. Nasaba' bajikangangi punna a'buntingko kala sanna' dudua lompona hawa napasunu.

1 KORINTUS 7:9 ပူးပေါင်းရင်းမြစ်များ

LAMPA-LAMPANA 19:36

Manna sitau tena nania' akkulle anggeakki anne passalaka. Jari lanri kammana, sannang ngaseng mako, siagang teako pitigau'-gauki ri apa-apa tenaya nupahangi.

1 KORINTUS 7:2

Mingka sollanna tena nanigodai taua anggaukangi apa-apa tenaya matu-matunna, bajikangangi punna massing nia' baine kalenna se're-se'rea bura'ne, kammayatompa massing nia' bura'ne kalenna se're-se'rea baine.

1 KORINTUS 7:28

Mingka teaiji dosa punna a'baineko. Kammayatompa punna nia' tulolo a'bunting, anjo teai dosa. Mingka lajai kasusaang nagappa anjo tau a'buntinga. Naerokka' sollannu nipakabella battu ri anjo kasusaang-kasusaang kammaya.

1 KORINTUS 7:36

Punna nia' tau angkasu'mangi ri kalenna angkanaya tena nasiratang batena appanggaukang mae ri parekang bainenna, yareka takkulleai naparrangngi hawa napasuna, kammayatompa parallumi nasa'ring a'buntinga, boli'mi kamma na'bunting ke'nanga. Tena nasala punna a'buntingi ke'nanga.

1 KORINTUS 7:39

Inai-nai baine le'ba' a'bunting, tassikkoki anjo bainea mae ri bura'nenna lalang attallasa'na anjo bura'nenna. Punna matemo anjo bura'nenna, ta'lappasa'mi anjo bainea. Akkullemi a'bunting poleang siagang bura'ne nakaerokia, assala' a'bunting cara tu Karistengi.

1 TESALONIKA 4:4

Sikontu bura'ne-bura'ne niaka ri kau parallui naasseng antekamma carana attallasa' siagang bainenna siagang matangkasa' na baji', napakasannang atinNa Allata'ala siagang rupataua.

1 TIMOTIUS 5:11

Teako pantamai arenna ri bukua janda-janda loloa ija. Nasaba' punna battui cinnana ke'nanga, akkullea ampakabellai ke'nanga battu ri Almasi, ero' poleammi ke'nanga a'bunting.

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.