1 KORINTUS 7:5 - KITTA' MATANGKASA'

⁵ Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

1 KORINTUS 7:5 ပူးပေါင်းရင်းမြစ်များ

KALAPPASSANG 21:10

Punna a'bunting poleang anjo ana' bura'nea, musti natanggongi tulusuki kanrena siagang care-carena kammayatompa sikontu ha'na kamma biasa anjo baine makase'rena.

YO"EL 2:16

Pa'rappungi sikontu ra'yaka, pabattu ngasengi sikamma ummaka. Suroi battu sikamma tau toa-toaya, ana'-anaka siagang ana'-ana' loloa pole. Ba'lalo manna sikamma bunting berua musti battu tongi. Suroi ke'nanga ambokoi kamara'na.

ZAKHARIA 7:3

Nisuro tommi ke'nanga akkuta'nang mae ri sikamma imanga siagang sikamma na'bia kamma anne, “Maka paralluiji ikambe angkarruki kaancuranna Balla'Na Batara iamintu appuasa ri tunggala' bulang makalima sangkamma le'baka nagaukang ikambe attaung-taung sallona allaloa?”

MATIUS 17:21

Mingka anne roh ja'dala' kammaya pappala' doangang siagang puasaji bawang akkulle ampasuluki.]”

MATIUS 19:11

Appialimi Isa Nakana, “Tayangasenga taua akkulle antarimai anne Kupaua, pantaranganna tau le'bakamo Napattantu Allata'ala.

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

1 KORINTUS 7:4

Bainea tena nakalenna koasa mae ri tubuna; mingka ia koasaya mae ri tubuna iamintu bura'nenna. Kammayatompa, bura'nea tena nakalenna koasa mae ri tubuna; mingka ia koasaya mae ri tubuna iamintu bainenna.

1 TESALONIKA 3:5

Lanri kammana minjo nakusuromo Timotius battu mae ri kau ngaseng, sollanna akkulle kuasseng antekamma kamajuanna katappakkannu, nasaba' teai sipato' ero'na kuasseng. Bata-batai nyawaku, gassingka naso'riko Billisi' sa'genna a'jari sia-sia ngaseng kaposoanna ikambe.