1 KORINTUS 7:40 - KITTA' MATANGKASA'

⁴⁰ Mingka la'bi upakangangi punna tenamo na'bunting poleang. Anne panggappaku tonji; mingka ri pakkasiakku, lanri koasa RohNa Allata'ala nakupau anne sikammaya.

1 KORINTUS 7:40 ပူးပေါင်းရင်းမြစ်များ

1 KORINTUS 7:1

Kamma-kamma anne erokka' a'bicara ri passala' apa nupaua lalang ri sura'nu ngaseng. Punna nia' bura'ne tena na'bunting, anjo bajiki.

1 KORINTUS 7:35

Yangasenna anne untu' kabajikang kalennu nakupauangko; teai lanri ero'nu kupisangkai appakamma anne yareka appakamma anjo. Ia kukaerokia iaji bawang angkanaya sollanna akkulle nugaukang apa-apa annabaya siagang apa-apa siratanga; kammayatompa sollanna akkulle nupasse're pikkirannu mae ri apa-apa Nakaerokia Batara.

1 KORINTUS 7:6

Anne tena nakuparentako punna kupauangko, mingka kupakaingakko.

1 KORINTUS 7:8

Iaminne pappakaingakku mae ri tau tenayapa na'bunting siagang tau jandayamo: Bajikangangi punna akkale-kale tuli mako sangkamma inakke.

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

2 KORINTUS 13:3

Jari lanucini'mi butti nukaerokia angkanaya ma'nassa a'bicara tojeng-tojengi Almasi tete ri kalengku. Punna Nahukkungko Almasi, tena nalamma, passangalinna laNapappicinikangi kakoasanNa ri tangnga-tangnganu.

2 KORINTUS 8:10

Turu' ri panggappaku, kamma-kamma anne siratang memang tommi nupa'le'ba' anjo apa-apa le'baka nupakaramulai ri taung allaloa. Nasaba' ikaumi uru-uru annawa-nawai siagang ampakaramulai anne jama-jamanga.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.