1 KORINTUS 7:29 - KITTA' MATANGKASA'

²⁹ Pattujungku kammai anne sari'battang: Tenamo najai wattu ri katte. Appakkaramula ri kamma-kammaya anne, sikontu tau a'baineamo parallui attallasa' sanrapang tau tenayapa na'baine;

1 KORINTUS 7:29 ပူးပေါင်းရင်းမြစ်များ

2 SAMUEL 19:34

Mingka appialimi Barzilai angkana, “Tenamo nakulasallo attallasa'. Jari apapi matu-matungku amminawang ri katte mange ri Yerusalem karaeng?

KATO'BA 6:12

Antekamma batena nakkulle taua angngassengi angkana apa kaminang baji' mae ri kalenna lalang katallassang sinampeka anne siagang tenaya matu-matunna, allaloa sanrapang bayang-bayang? Antekamma akkulle naasseng taua apa lakajarianga ri anne linoa punna matemi?

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YEHEZKIEL 7:12

Tasalloami nanarapi' wattunna, a'reppese'mi allonna! Tau ammallia siagang tau a'baluka tanggappayami passawallang apa-apa, lanri sikontuna taua lanituju ngasengi ri hukkunganNa Allata'ala.

LUKAS 14:20

Na maraengannaya nakana, ‘Beru le'baka' a'bunting, jari takkullea' mange anjoreng.’

1 KORINTUS 7:28

Mingka teaiji dosa punna a'baineko. Kammayatompa punna nia' tulolo a'bunting, anjo teai dosa. Mingka lajai kasusaang nagappa anjo tau a'buntinga. Naerokka' sollannu nipakabella battu ri anjo kasusaang-kasusaang kammaya.

1 KORINTUS 7:30

inai-nai angngarru', sanrapangi tau tenaya nasi'na nyawana; inai-nai ammakkala', sanrapangi tau tenaya narannu; inai-nai le'ba'mo ammalli apa-apa, sanrapangi tau tenaya apa-apanna;

1 KORINTUS 7:31

siagang inai-nai jai urusanna ri passala'na pakkalinoanga, sanrapangi tau tenaya najampangi anjo passalaka. Nasaba' tasalloami anne linoa niaka nicini' ri kamma-kammaya anne lalanynya' ngasengi.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

1 YOHANES 2:17

Anne linoa siagang sikontu apa-apa niaka lalanganna, ia nakaerokia rupataua, kamma-kamma anne lanynya'mi. Mingka inai mappilangngeri ri ero'Na Allata'ala, tuli lattallasaki sa'genna satunggu-tungguna.