1 KORINTUS 7:25 - KITTA' MATANGKASA'

²⁵ Kamma-kamma anne passala'na tau tenayapa na'bunting. Ri sesena anne passalaka tena nakuanggappa parenta battu ri Batara. Mingka salaku tau akkullea nipatappa' lanri pangngamaseanNa Allata'ala, erokka' ampakaingakko.

1 KORINTUS 7:25 ပူးပေါင်းရင်းမြစ်များ

PAMMUJI 78:63

Turungkana ke'nanga nikanrei ri pepe'; tena ambuntingi tulolonna ke'nanga.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.

1 KORINTUS 7:10

Naia kuparentakanga mae ri tau le'bakamo a'bunting iaminne: (Sikontutojenna teai inakke assarei parenta mingka Batara.) Inai-nai baine le'ba'mo a'bunting, takkulleai nabokoi bura'nenna.

1 KORINTUS 7:12

Naia pappakaingakku mae ri mara'-maraengannaya, iaminne: – anne pappakainga' kalengku, teai Batara – punna nia' sitau bura'ne Karisteng a'baine sitau baine tenaya natappa' mae ri Almasi, naero'ja anjo bainenna assikatallassang siagang ia, anjo taua takkulleai natalla' bainenna.

1 KORINTUS 7:28

Mingka teaiji dosa punna a'baineko. Kammayatompa punna nia' tulolo a'bunting, anjo teai dosa. Mingka lajai kasusaang nagappa anjo tau a'buntinga. Naerokka' sollannu nipakabella battu ri anjo kasusaang-kasusaang kammaya.

1 KORINTUS 7:34

kale'bakkanna ta'bagemi pikkiranna. Baine tenaya na'bura'ne, yareka se'rea tulolo, lala'bi jaiangammi ero'Na Batara napikkiri', lanri ero'na napassareang sikontu katallassanna a'jari Allata'ala pata. Mingka baine niakamo bura'nenna, napasse'remi pikkiranna mae ri passala' pakkalinoanga, lanri eroki napakasannang nyawana bura'nenna.

1 KORINTUS 7:40

Mingka la'bi upakangangi punna tenamo na'bunting poleang. Anne panggappaku tonji; mingka ri pakkasiakku, lanri koasa RohNa Allata'ala nakupau anne sikammaya.

1 KORINTUS 7:6

Anne tena nakuparentako punna kupauangko, mingka kupakaingakko.

2 KORINTUS 11:17

Eroki kupau sike'de' apa nakalompoanga pa'maikku. Mingka teai Batara assuroa' ampakalompoi anne pa'maikku. Anne a'bicara' sanrapang tojeng-tojeng tau dongoka.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.