1 KORINTUS 7:24 - KITTA' MATANGKASA'

²⁴ Jari, ikau sikamma sari'battangku, manna pole antekamma lampa-lampana katallassannu ri wattunnu nikio', paralluko tuli attallasa' ilalang ri ero'Na Allata'ala.

1 KORINTUS 7:24 ပူးပေါင်းရင်းမြစ်များ

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

MATIUS 12:45

Jari a'lampami pole nampa battu angngerang tuju roh ja'dala' maraeng, ja'dallanganga na ia. Nampa antama' ke'nanga ammantang ri kalenna anjo taua. Kale'bakkanna a'jari sannakkangammi kodina anjo taua na ri uru-uruna. Ia tomminjo lakajariang ri katallassanna taua ri anne jammanga.”

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

1 KORINTUS 7:17

Parallui massing nuatoro' katallassannu situru' Nakaerokia Batara, iamintu situru' apa le'bakamo Napattantu Allata'ala ri wattunnu Nakio' Allata'ala a'jari tau tappa' mae ri Ia. Iami anjo paratorang le'baka kupangngajarrang ri sikontu jama'aka.

1 KORINTUS 7:20

Boli'mi kamma massing attallasa' taua sangkamma ri wattunna natarima pakkio'Na Allata'ala.

1 SAMUEL 14:45

Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.