1 KORINTUS 7:22 - KITTA' MATANGKASA'

²² Nasaba' punna nia' se're ata tappa'mi mae ri Batara, anjo taua a'jarimi umma'Na Batara siagang a'jarimi tau bebasa'. Na punna nia' tu bebasa' a'jari tappa'mo mae ri Batara, a'jarimi atanNa Almasi.

1 KORINTUS 7:22 ပူးပေါင်းရင်းမြစ်များ

PAMMUJI 116:16

Inakke anne atanTa, o, Batara, sanrapang ammakku, anynyomba tonga' mae ri Katte Kilappassamma' battu ri tahananga.

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

1 KORINTUS 7:21

Punna atako ri wattunnu nikio', tena naparallu nususai kalennu annawa-nawai anjo passalaka. Mingka punna nia' se're wattu nunggappa kasampatang a'jari tu bebasa', pakemi anjo kasampatanga.

1 KORINTUS 9:19

Inakke anne tena manna sitau ampare' ata'; inakke tau bebasakka'. Mingka manna nakamma, kupa'jari atami kalengku mae ri tau jaia. Naiaji kuappakamma anjo sollanna pila' jai tau akkulle kuerang mae ri Almasi.

1 KORINTUS 9:21

Kupa'jari kalengku sanrapang teaia' tu Yahudi, tenaya natarimai hukkung napabattua Musa. Mingka tena nakutamannurukia ri hukkung-hukkunNa Almasi. Iaji kuappakamma anjo sollanna akkulle kuerang tau kammaya ngaseng anjo mae ri Almasi.

GALATIA 1:10

Punna kamma, gassingka nukana kuminasai sollangku niakui ri rupataua? Tena sikali! Allata'ala bawang kuminasai angngakuia'. Maka erokkuji ningai ri rupataua nakualle pa'mai'na? Punna kamma anjo bateku, teaiya' tunisuroNa Almasi.

GALATIA 5:1

Kamma-kamma anne bebasa' maki', lanri le'ba' maki' Nalappassang Almasi! Lanri kammana, attahang mako ri kabebasannu; teako ero' poleangngi nipa'jari ata.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

FILEMON 1:16

Kamma-kamma anne teaimi poro pajama-jamannu bawang; mingka la'biangampa pole. A'jarimi paranta tu Karisteng sannaka nikamaseanna. Nasaba' sanna' lompona todong matu-matunna mae ri nakke; la'biangampa pole mae ri kau, tantu la'bi lompoangangi matu-matunna. Baji' na'jari pajama-jama, kammayatompa na'jari sari'battang lanri Batara!

1 PETRUS 2:16

Paralluko a'jari tau bebasa' lalang katallassannu; mingka teako pakei anjo kabebasannu untu' antongkoki kaja'dallanga, passangalinna a'jari mako ata-atanNa Allata'ala lalang ri katallassannu.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;