1 KORINTUS 7:2 - KITTA' MATANGKASA'

² Mingka sollanna tena nanigodai taua anggaukangi apa-apa tenaya matu-matunna, bajikangangi punna massing nia' baine kalenna se're-se'rea bura'ne, kammayatompa massing nia' bura'ne kalenna se're-se'rea baine.

1 KORINTUS 7:2 ပူးပေါင်းရင်းမြစ်များ

PANGNGEBARANG 18:22

Tau anggappaya anrong ana', anggappai passawallang; anrong anaka iami passareNa Batara.

PANGNGEBARANG 19:14

Ballaka siagang barang-baranga akkullei nagappa battu ri manggena, mingka baine cara'deka iami passareNa Batara.

MALEAKHI 2:14

Akkuta'nangko angkana angngapa Nataeroka antarimai. Lanri Naassenna Batara angkanaya tena najarre' pa'mai'nu mae ri baine nunikkaiya ri wattu rungkanu. Anjo bainea julu tallasa'nu, mingka amminrami pa'mai'nu mae ri ia, manna pole le'ba' mako para a'janji ri dallekanNa Allata'ala latuli majarre' mae ri ia.

MATIUS 5:32

Mingka anne kamma Kukana ri kau ngaseng: inai-nai antallaki bainenna pantaranganna passabakkang a'gau' salimara', iami a'jari saba' na'gau' salimara' anjo bainenna, punna a'bunting poleang anjo bainenna siagang bura'ne maraeng. Na inai-nai bura'ne ambuntingi anjo bainea, tappinawang tommi a'gau' salimara' siagang anjo bainea.”

1 KORINTUS 6:18

Pakabellai kalennu battu ri sikamma panggaukang bawanga. Nasaba' sikontu dosa maraenga nagaukanga taua, pantarangang batangkalennai anjo taua kajariang. Mingka inai-nai a'gau' bawang, battuanna a'gau' dosami mae ri kalenna.

1 KORINTUS 7:1

Kamma-kamma anne erokka' a'bicara ri passala' apa nupaua lalang ri sura'nu ngaseng. Punna nia' bura'ne tena na'bunting, anjo bajiki.

1 KORINTUS 7:3

Sikontu tu bura'nea musti nagaukang bajiki kawajibanna mae ri bainenna, kammayatompa sikontu tu bainea musti nagaukang bajiki kawajibanna mae ri bura'nenna; jari rua-rua musti massing nagaukangi kawajibanna siagang baji'.

1 KORINTUS 7:9

Mingka punna tanukulleai amparrangngi napasunu, bajikangang a'buntingko. Nasaba' bajikangangi punna a'buntingko kala sanna' dudua lompona hawa napasunu.

EFESUS 5:28

Kammatommi anjo tubura'-bura'nea, musti nakarimangngi bainenna, napasanrapang batangkalenna. Inai-nai angkarimangngi bainenna, sangkammami angkana batangkalenna nakarimangngi. (

EFESUS 5:33

Mingka anjo ayaka nia' todong passisambunganna siagang kalennu: Sikontu tu bura'nea parallui nakarimangngi tubainenna, sanrapang anjo bainenna batangkalenna tonji; kammayatompa sikontu bainea musti napakalompoi tu bura'nenna.

1 TESALONIKA 4:4

Sikontu bura'ne-bura'ne niaka ri kau parallui naasseng antekamma carana attallasa' siagang bainenna siagang matangkasa' na baji', napakasannang atinNa Allata'ala siagang rupataua.

1 TIMOTIUS 4:3

Napangngajarrangi sollanna ta'buntinga taua; siagang jai apa-apa tanapa'bianga nikanre. Na sikontutojenna anjo kanre-kanreanga Allata'ala ampa'niaki. Yangasenna anjo Nakellai Allata'ala sollanna nikanre siagang sukkuru' ri sikamma tau tappakamo mae ri Almasi siagang tau naassengamo pangajarang katojengang battua ri Allata'ala.

HAKING-HAKING 21:22

Punna battu manggena yareka sari'battang bura'nena antuntuki, akkulleko angkana, ‘Napalaki ikambe nakikellaimo ke'nanga ammantang ri kambe. Tenaja naalle passai ikambe lalang pa'bundukang. Na lanri tenana nupassareangi mae ri kambe anne ke'nanga, jari tenaja nanidakkai parjanjianga, jari tenaja nasala.’ ”