1 KORINTUS 7:17 - KITTA' MATANGKASA'

¹⁷ Parallui massing nuatoro' katallassannu situru' Nakaerokia Batara, iamintu situru' apa le'bakamo Napattantu Allata'ala ri wattunnu Nakio' Allata'ala a'jari tau tappa' mae ri Ia. Iami anjo paratorang le'baka kupangngajarrang ri sikontu jama'aka.

1 KORINTUS 7:17 ပူးပေါင်းရင်းမြစ်များ

MATIUS 19:12

Nasaba' nia' tau takkulleai a'bunting lanri naerang memang tongi battu ri lassu'na. Mingka nia' todong takkullea a'bunting lanri panggaukanna tau maraenga. Nania' todong tau ia memang todong tea a'bunting sollanna akkulle a'jari palayanNa Allata'ala. Inai akkulle antarimai anne pangngajaranga, ia tommo antarimai.”

1 KORINTUS 10:32

Bajikimi batenu attallasa', sollanna tena napassabakkang ikau na'gau' dosa tau maraenga; baji' na tu Yahudi yareka bansa maraenga, yareka anggota jama'aNa Allata'ala.

1 KORINTUS 11:16

Jari, punna nia' tau ero' ampa'geakkangi anne passalaka, se'reji bawang akkulle kupau; iamintu angkanaya, ikambe siagang sikamma jama'aNa Allata'ala, se'reji bawang kabiasanta lalang ri jama'aka, tena pantaranganna.

1 KORINTUS 11:34

Punna nia' tau cipuru', parallui angnganre rolong ri balla'na. Punna nuparhatikang anne kammaya anjo pa'rappungang sambayannu, tenamo nalappabattu hukkungang mae ri kalennu. Ia passala' maraenganga, battupa' sallang nampa kupakasingariangko!

1 KORINTUS 14:33

Anjo Allata'ala Nangai apa-apa niatoro' bajika; taNangaiyai apa-apa tenaya nabaji' atoro'na. Kamma nigaukanga ri sikontu jama'aNa Allata'ala,

1 KORINTUS 16:1

Kamma-kamma anne passala'na doe' eroka nupassareang a'jari sumbangang mae ri paranta tu Karisteng; kukellaiko sollanna nugaukang situru' apa le'baka kupau mae ri jama'aka ri Galatia.

1 KORINTUS 4:17

Iami anjo nakusuromo Timotius battu mae ri kau ngaseng. Salaku tumminawang ri Almasi, sangkammai ana' kalengku, kukamaseanga. Iami ana' akkullea nipatappa'. Iami lampakaingakko ri passala'na katallassang kupinawanga ri wattungku a'jari tappa'mo mae ri Almasi; iamintu katallassang le'baka kupangngajarrang mae ri sikontu jamaah niaka ri kere-keremae.

1 KORINTUS 7:18

Alarapanna, punna nia' tau le'ba' memammi nisunna' ri wattunna natarima pakkio'Na Allata'ala, teami nausahakangi ampattaenai anjo pammateina sunnaka. Kammayatompa, punna nia' tau tenapa nale'ba' nisunna' ri wattunna natarima pakkio'Na Allata'ala, teami nasuro sunnaki kalenna.

1 KORINTUS 7:24

Jari, ikau sikamma sari'battangku, manna pole antekamma lampa-lampana katallassannu ri wattunnu nikio', paralluko tuli attallasa' ilalang ri ero'Na Allata'ala.

1 KORINTUS 7:7

Sikontutojenna la'bi kungaiangangi punna a'jari sangkamma ngasengi inakke taua. Mingka massing le'ba' ngasemmi taua anggappa passare battu ri Allata'ala. Nia' tau anggappa passare kamma anne, nia' anggappa passare kamma anjo.

2 KORINTUS 11:28

Pantarangannaya anjo, allo-alloku todong lussa' napakamma sikontu jama'aka.

2 KORINTUS 8:18

Nia' todong sitau naagang a'rurung kusuro mae ri kau. Iamintu tau sannaka nipakalompona ri sikamma jama'aka, lanri jama-jamanna ambirittakangi Kabara' Baji' battua ri Allata'ala.

GALATIA 1:22

Sa'genna anjo wattua tenapa naassengi tanjakku sikamma jama'ah Karisteng niaka ri Yudea.

1 TESALONIKA 2:14

Sikamma sari'battangku, apa nukasiaka ri tallasa'nu, le'ba' tommi nakasia' sikamma jama'aNa Allata'ala ri butta Yudea, a'jaria taunNa Isa Almasi. Nukasiaki passessaya battu ri julu bansanu tonji, sangkamma nakasiaka sikamma Jama'aNa Allata'ala ri butta Yudea battu ri tu Yahudia.

2 TESALONIKA 1:4

Iaminjo saba'na natuli nacaritako ikambe punna mangeki' akkunjungi jama'ah-jama'aNa Allata'ala nakipuji ngasengko ri alla'na sikamma jama'aNa Allata'ala. Lompomi pa'mai'na ikambe ancaritai antekamma majarre'na tappa'nu mae ri Almasi ri tangnga-tangngana passessaya siagang kapa'risang nukasiaka.