1 KORINTUS 7:12 - KITTA' MATANGKASA'

¹² Naia pappakaingakku mae ri mara'-maraengannaya, iaminne: – anne pappakainga' kalengku, teai Batara – punna nia' sitau bura'ne Karisteng a'baine sitau baine tenaya natappa' mae ri Almasi, naero'ja anjo bainenna assikatallassang siagang ia, anjo taua takkulleai natalla' bainenna.

1 KORINTUS 7:12 ပူးပေါင်းရင်းမြစ်များ

1 KORINTUS 7:11

Mingka punna nabokoimi bura'nenna, musti tenamo na'bura'ne, yareka musti ammotereki mae ri bura'nenna. Na se'rea bura'ne takkulleai natalla' bainenna.

1 KORINTUS 7:13

Kammayatompa punna sitau baine Karisteng a'bura'ne sitau bura'ne tenaya natappa' mae ri Almasi, naero'ja anjo bura'nenna assikatallassang siagang ia, anjo bainea takkulleai antallaki bura'nenna.

1 KORINTUS 7:25

Kamma-kamma anne passala'na tau tenayapa na'bunting. Ri sesena anne passalaka tena nakuanggappa parenta battu ri Batara. Mingka salaku tau akkullea nipatappa' lanri pangngamaseanNa Allata'ala, erokka' ampakaingakko.

1 KORINTUS 7:27

Punna takkala a'baine mako, teako pelakki anjo bainennu. Punna tenapa nu'baine, tea' mako a'boyai baine.

1 KORINTUS 7:6

Anne tena nakuparentako punna kupauangko, mingka kupakaingakko.

2 KORINTUS 11:17

Eroki kupau sike'de' apa nakalompoanga pa'maikku. Mingka teai Batara assuroa' ampakalompoi anne pa'maikku. Anne a'bicara' sanrapang tojeng-tojeng tau dongoka.